Yeni Azərbaycan Partiyasının qurultayı ölkəmizin ictimai-siyasi həyatında önəmli hadisədir.
Azərbaycan Respublikasının Prezidenti, Yeni Azərbaycan Partiyasının Sədri İlham Əliyevin Yeni Azərbaycan Partiyasının VIII Qurultayında çıxışı ölkəmizin ictimai-siyasi həyatında baş verən mühüm proseslərə və qarşıda duran vəzifələrə diqqət yönəldib. Dövlət başçısı çıxışında qurultayın əhəmiyyətindən danışaraq Yeni Azərbaycan Partiyasının fəaliyyətinin yalnız Azərbaycan üçün deyil, bütövlükdə region üçün mühüm əhəmiyyət daşıdığını vurğulayıb.
2 oktyabr 2026-cı ildə Heydər Əliyev Mərkəzində keçirilən VIII Qurultay Azərbaycanın ərazi bütövlüyünün və suverenliyinin tam bərpa olunmasından sonra keçirilən ilk YAP qurultayı olub. Prezident İlham Əliyev bunu xüsusi qeyd edərək bildirib ki, qurultay yeni ictimai-siyasi və geosiyasi vəziyyətdə keçirilir. Bu baxımdan VIII Qurultay həm partiyanın keçdiyi yola nəzər salmaq, həm də yeni dövrün qarşıya qoyduğu vəzifələri müəyyənləşdirmək baxımından diqqət çəkir.
Yeni Azərbaycan Partiyası 1992-ci ildə Ulu Öndər Heydər Əliyevin ətrafında birləşən insanların təşəbbüsü ilə yaradılıb. Ötən dövr ərzində partiya ölkənin ictimai-siyasi həyatında fəal iştirak edib. Prezident İlham Əliyev çıxışında partiyanın 30 ildən artıq müddətdə iqtidarda olduğunu və ölkənin inkişafında YAP fəallarının mühüm töhfəsinin olduğunu bildirib. Qurultayda Azərbaycanın son illərdə keçdiyi tarixi yol da diqqət mərkəzində olub. Ərazi bütövlüyünün və suverenliyin tam bərpa edilməsi ölkənin qarşısında yeni imkanlar açıb. Artıq Azərbaycan yeni reallıqlar şəraitində öz inkişafını davam etdirir. Qarşıdakı əsas vəzifələrdən biri əldə olunan nəticələri qorumaq, ölkənin iqtisadi və siyasi gücünü daha da artırmaq, yeni imkanlardan səmərəli istifadə etməkdir.
Prezident İlham Əliyevin çıxışında Ulu Öndər Heydər Əliyevin siyasi irsinə də xüsusi diqqət yetirilib. Dövlət başçısı bildirib ki, Ulu Öndərin müəyyən etdiyi siyasi xətt bu gün də davam etdirilir. Bu xəttin əsasını dövlətçilik, milli maraqların qorunması, Azərbaycanın müstəqilliyinin möhkəmləndirilməsi və ölkənin inkişafının təmin olunması təşkil edir. VIII Qurultay həm də Azərbaycanın qarşısında duran yeni məqsədlərin müzakirəsi ilə yadda qalıb. Müasir dövrdə ölkənin təhlükəsizliyinin təmin olunması, iqtisadi inkişafın davam etdirilməsi, beynəlxalq əlaqələrin genişləndirilməsi və xalqın rifahının daha da yüksəldilməsi mühüm məsələlər sırasında yer alır.
Beləliklə, Yeni Azərbaycan Partiyasının VIII Qurultayı yalnız partiyanın növbəti qurultayı deyil, Azərbaycanın yeni mərhələdə qarşısında duran vəzifələrin müzakirə edildiyi mühüm ictimai-siyasi tədbir kimi diqqət çəkir. Prezident İlham Əliyevin çıxışı ölkənin keçdiyi yolun qiymətləndirilməsi ilə yanaşı, qarşıdakı dövr üçün əsas istiqamətləri də ortaya qoyub.
Bu baxımdan VIII Qurultay Azərbaycanın yeni tarixi mərhələyə qədəm qoyduğu bir dövrdə keçirilən mühüm siyasi tədbir kimi yadda qalır.
Zərdab rayon Gəlmə kənd tam orta ümumtəhsil məktəbinin direktoru-Rasif Qaçayev
