image-media-qanunla-reklam-49zqr58lyeum0wphsf12
image-17951516675963921316_1200x630

Azərbaycan Respublikası Dövlət Neft Şirkəti ilə Vyetnam Milli Neft və Qaz Şirkəti arasında əlaqələrin dərinləşdirilməsi xüsusi əhəmiyyət kəsb edir

image-legitimaz-810x90

Azərbaycan Respublikası Dövlət Neft Şirkəti ilə Vyetnam Milli Neft və Qaz Şirkəti arasında əlaqələrin dərinləşdirilməsi xüsusi əhəmiyyət kəsb edir

Enerji təhlükəsizliyi müasir dünyanın iqtisadi və siyasi gündəliyində mühüm yer tutan məsələlərdəndir. Bu sahədə beynəlxalq əməkdaşlığın genişləndirilməsi, təcrübə mübadiləsi və qarşılıqlı investisiyaların təşviqi dövlətlər arasında uzunmüddətli tərəfdaşlığın əsas istiqamətlərindən sayılır. Azərbaycan ilə Vyetnam arasında neft-qaz sektorunda formalaşmış əməkdaşlıq da bu baxımdan xüsusi əhəmiyyət daşıyır.

Azərbaycanın neft sənayesi ilə Vyetnamın enerji sektoru arasında əlaqələrin tarixi kökləri Sovet İttifaqı dövrünə gedib çıxır. Uzun illər ərzində Azərbaycan neftçilərinin təcrübəsi və peşəkarlığı Vyetnamın enerji sənayesinin inkişafında mühüm rol oynayıb. Bu əməkdaşlıq iki ölkə arasında iqtisadi münasibətlərin formalaşmasına da ciddi töhfə verib.

Müstəqillik dövründə Azərbaycan enerji sektorunda qazandığı təcrübəni beynəlxalq əməkdaşlıq müstəvisində genişləndirərək etibarlı tərəfdaş kimi mövqeyini möhkəmləndirib. Bu istiqamətdə Azərbaycan Respublikası Dövlət Neft Şirkəti (SOCAR) ilə Vyetnam Milli Neft və Qaz Şirkəti (PetroVietnam) arasında əlaqələrin dərinləşdirilməsi mühüm əhəmiyyət kəsb edir.

2025-ci ildə iki şirkət arasında imzalanmış Anlaşma Memorandumu əməkdaşlığın yeni istiqamətlərini müəyyənləşdirib. Sənəd neft-qaz yataqlarının kəşfiyyatı və işlənilməsi, texniki xidmətlər, mütəxəssis hazırlığı və digər sahələrdə qarşılıqlı fəaliyyətin genişləndirilməsini nəzərdə tutur.

Bu əməkdaşlıq təkcə enerji resurslarının hasilatı ilə məhdudlaşmır. Eyni zamanda, texnoloji biliklərin ötürülməsi, müasir istehsal üsullarının tətbiqi və insan kapitalının inkişafı üçün də imkanlar yaradır. Azərbaycanın zəngin neft-qaz təcrübəsi ilə Vyetnamın enerji sektorundakı potensialının birləşdirilməsi qarşılıqlı faydalı nəticələr verə bilər.

Prezident İlham Əliyevin müsahibəsində SOCAR və PetroVietnam arasında münasibətlərin xüsusi vurğulanması dövlətlərarası iqtisadi əlaqələrdə enerji amilinin mühüm yerini bir daha nümayiş etdirir.

Iki şirkət arasında əməkdaşlığın dərinləşməsi Azərbaycan-Vyetnam strateji tərəfdaşlığının iqtisadi dayaqlarını daha da gücləndirəcək, yeni layihələrin və investisiya imkanlarının yaranmasına şərait yaradacaq.

 

Etibar Talıbov – Zərdab rayonu Alıcanlı kənd sakini


  • whatsapp
  • messenger
  • telegram
  • vkontakte
  • odnoklassniki