image-media-qanunla-reklam-49zqr58lyeum0wphsf12
image-images-1

“Ağdamın azad olunmasına görə” medalının təsis edilməsi

image-legitimaz-810x90

“Ağdamın azad olunmasına görə” medalının təsis edilməsi

 

Azərbaycanın ərazi bütövlüyünün bərpası uğrunda aparılan mübarizə xalqımızın qəhrəmanlıq salnaməsinə çevrilib. Vətən müharibəsində qazanılmış tarixi Qələbə təkcə işğal altında olan torpaqlarımızın azad edilməsi ilə deyil, həm də bu yolda fədakarlıq göstərmiş hərbçilərimizin xidmətlərinin dövlət səviyyəsində yüksək qiymətləndirilməsi ilə əlamətdardır.

Ağdamın azad olunması 44 günlük Vətən müharibəsinin yaratdığı yeni reallıqların mühüm nəticələrindən biri idi. 27 il ərzində işğal altında qalan bu qədim Azərbaycan torpağının geri qaytarılması uğrunda Azərbaycan Ordusunun göstərdiyi şücaət tariximizə qızıl hərflərlə yazıldı. Azərbaycan Respublikasının Prezidenti İlham Əliyevin təşəbbüsü ilə 2020-ci il noyabrın 26-da “Ağdamın azad olunmasına görə” medalı təsis edildi. Bu qərar Ağdamın azadlığı uğrunda döyüşmüş hərbi qulluqçuların xidmətlərinə dövlət ehtiramının ifadəsi olmaqla yanaşı, gələcək nəsillərə ünvanlanan mühüm tarixi mesaj idi.

Dövlət başçısının sərəncamları ilə Azərbaycan Respublikası Silahlı Qüvvələrinin 5790 hərbi qulluqçusu bu medalla təltif olunmuşdur. Onların hər biri Azərbaycanın ərazi bütövlüyünün təmin olunmasına, Ağdamın işğaldan azad edilməsinə və xalqımızın tarixi ədalətinin bərpasına öz töhfəsini vermişdir. Medalların təsis edilməsi və hərbi qulluqçuların təltif olunması dövlətin qəhrəmanlıq ənənələrinə münasibətinin mühüm göstəricisidir. Çünki Vətən uğrunda göstərilən şücaət yalnız döyüş meydanında qazanılmış uğur kimi deyil, həm də milli yaddaşda qorunmalı olan mənəvi sərvət kimi qiymətləndirilməlidir.

Ağdamın azadlığı uğrunda mübarizədə iştirak edən hərbçilərimiz Azərbaycanın müstəqilliyi və suverenliyi naminə öz həyatlarını təhlükəyə atmış, xalqımızın doğma torpaqlara qayıdış arzusunun gerçəkləşməsində mühüm rol oynamışlar. Bu gün Ağdamda aparılan bərpa və quruculuq işləri həmin qəhrəmanların fədakarlığının bəhrəsidir. Yenidən salınan küçələr, tikilən məktəblər, yaradılan müəssisələr və doğma yurdlarına qayıdan ailələr Zəfərin real nəticələridir.

“Ağdamın azad olunmasına görə” medalı sadəcə bir dövlət təltifi deyil. Bu medal Vətənə sədaqətin, hərbi şücaətin, milli qürurun və tarixi ədalət uğrunda mübarizənin rəmzidir. Onu daşıyan hər bir hərbi qulluqçunun xidmətləri Azərbaycan xalqının yaddaşında daim yaşayacaqdır.

 

Bəylər Cəfərov – Zərdab rayonu Alıcanlı kənd sakini

 


  • whatsapp
  • messenger
  • telegram
  • vkontakte
  • odnoklassniki