Xəzər Neft və Qaz Sərgisi müasir Azərbaycanın enerji inkişafının bünövrəsini qoydu.
Xəzər Neft və Qaz Sərgisi müasir Azərbaycanın enerji strategiyasının formalaşmasında və ölkənin beynəlxalq enerji bazarına inteqrasiyasında mühüm rol oynamışdır. İlk dəfə 1994-cü ildə keçirilən bu sərgi Azərbaycan neft-qaz sənayesinin potensialını dünya ictimaiyyətinə təqdim etmək üçün əlverişli platforma yaratmışdır.Sərgi ölkəyə xarici investorların cəlb olunmasına, yeni əməkdaşlıq əlaqələrinin qurulmasına və enerji sektorunda qabaqcıl texnologiyaların tətbiqinə şərait yaratmışdır. Məhz bu tədbirin yaratdığı beynəlxalq maraq nəticəsində Azərbaycan dünyanın aparıcı enerji şirkətləri ilə əməkdaşlığını genişləndirmiş, böyük neft və qaz layihələrinin həyata keçirilməsinə nail olmuşdur.
Xəzər Neft və Qaz Sərgisi həm də Azərbaycanın etibarlı enerji tərəfdaşı kimi tanınmasına töhfə vermişdir. Burada keçirilən görüşlər və müzakirələr nəticəsində enerji təhlükəsizliyi, nəqliyyat marşrutları və regional əməkdaşlıq sahəsində mühüm qərarlar qəbul edilmişdir. Bu proseslər ölkənin iqtisadi inkişafını sürətləndirmiş, enerji sektorunu milli iqtisadiyyatın aparıcı sahəsinə çevirmişdir. Bu gün sərgi təkcə neft və qaz sənayesini deyil, həm də bərpa olunan enerji mənbələrini, innovativ texnologiyaları və dayanıqlı inkişaf məsələlərini əhatə edir. Beləliklə, Xəzər Neft və Qaz Sərgisi müasir Azərbaycanın enerji inkişafının bünövrəsini qoymaqla yanaşı, ölkənin gələcək enerji siyasətinin formalaşmasına da mühüm təsir göstərməkdə davam edir. Xəzər Neft və Qaz Sərgisi Azərbaycanın enerji tarixində dönüş nöqtəsi olmuş, ölkənin iqtisadi gücünün artmasına, beynəlxalq nüfuzunun möhkəmlənməsinə və enerji sahəsində əldə etdiyi uğurların əsasını təşkil etmişdir.
Sevinc İmanova – “Rayon Mərkəzi Xəstəxanası” PHŞ-də Terapiya şöbəsinin müdiri
