Sarsılmaz dostluq gələcəyə inam yaradır
Azərbaycan ilə Qırğızıstan arasında münasibətlər ildən-ilə daha da inkişaf edir. Bu əlaqələrin əsasını qarşılıqlı hörmət, etimad və qardaşlıq təşkil edir. 2026-cı il iyulun 31-də Prezident İlham Əliyevin Qırğızıstana dövlət səfəri bu münasibətlərin daha da möhkəmləndiyini göstərən mühüm hadisələrdən biri oldu. Səfər çərçivəsində keçirilən görüşlər və mətbuata verilən bəyanatlar əməkdaşlığın yeni istiqamətlərini müəyyənləşdirdi. Prezident İlham Əliyev çıxışında qeyd etdi ki, Azərbaycan ilə Qırğızıstan arasında siyasi əlaqələr yüksək səviyyədədir. Dövlət başçıları arasında səmimi münasibətlər iki ölkənin əməkdaşlığının inkişafına mühüm töhfə verir. Qarşılıqlı səfərlər və imzalanan sənədlər əlaqələrin daha da genişlənməsinə şərait yaradır.
Bəyanatda iqtisadi əməkdaşlığın əhəmiyyəti də vurğulandı. Ticarət dövriyyəsinin artırılması, investisiya layihələrinin həyata keçirilməsi, nəqliyyat və logistika sahəsində əməkdaşlığın genişləndirilməsi hər iki ölkənin maraqlarına uyğundur. Azərbaycan və Qırğızıstan bu istiqamətdə yeni layihələr üzərində işləyirlər. Humanitar sahədə görülən işlər də diqqət mərkəzindədir. Təhsil, mədəniyyət və elm sahələrində həyata keçirilən birgə layihələr xalqlar arasında dostluq əlaqələrini daha da gücləndirir. Ağdam şəhərində Manas adına məktəbin açılması bunun ən gözəl nümunələrindən biridir. Bu məktəb iki qardaş xalqın ortaq dəyərlərinin və dostluğunun rəmzi kimi böyük əhəmiyyət daşıyır.
Prezident İlham Əliyev bildirdi ki, Azərbaycan Türk dünyasında birliyin möhkəmlənməsinə daim dəstək verir. Qırğızıstanla əməkdaşlığın inkişafı təkcə iki ölkə üçün deyil, bütün region üçün faydalıdır. Bu münasibətlər sülhə, sabitliyə və qarşılıqlı inkişafa xidmət edir. Qırğızıstana dövlət səfəri göstərdi ki, Azərbaycan və Qırğızıstan gələcəyə eyni məqsədlərlə baxırlar. Dostluq və qardaşlıq münasibətləri yeni layihələr və təşəbbüslərlə daha da güclənəcək. Bu əməkdaşlıq xalqlarımızın rifahına, regionun inkişafına və Türk dünyasında həmrəyliyin möhkəmlənməsinə mühüm töhfə verməyə davam edəcək.
Zərdab rayon Gəlmə kənd sakini, gənc fəal-Ziya Tağızadə
