Şanlı Qələbə ilə bitmiş 44 günlük Vətən müharibəsi
Azərbaycan xalqının yaddaşında 44 günlük Vətən müharibəsi xüsusi yer tutur. Bu müharibə uzun illər ərzində doğma torpaqlarına qayıtmaq arzusu ilə yaşayan insanların ümidlərinin gerçəkləşdiyi, xalqımızın birlik və həmrəyliyinin bir daha nümayiş olunduğu tarixi dövr kimi yadda qalıb. 27 Sentyabr 2020-ci ildə başlayan Vətən müharibəsi Azərbaycan Ordusunun əzmi və qəhrəmanlığı ilə davam etdi. Döyüşlərin ilk günlərindən əsgər və zabitlərimiz böyük ruh yüksəkliyi nümayiş etdirərək qarşıya qoyulan vəzifələri yerinə yetirməyə çalışdılar. Xalqımız isə bu çətin günlərdə ordumuzun yanında oldu. 44 gün davam edən döyüşlər Azərbaycan əsgərinin yüksək döyüş ruhunu və Vətən sevgisini göstərdi. Hərbi qulluqçularımız mürəkkəb şəraitdə böyük fədakarlıq nümayiş etdirdilər. Onların göstərdiyi qəhrəmanlıq və əzmkarlıq müharibənin gedişində mühüm rol oynadı. Bu müharibədə Azərbaycan xalqı çox ağır itkilər də verdi. Vətən uğrunda canından keçən şəhidlərimizin xatirəsi hər birimiz üçün müqəddəsdir. Qazilərimizin döyüşlərdə göstərdiyi şücaət də xalqımız tərəfindən yüksək qiymətləndirilir. Onların fədakarlığı Azərbaycanın şanlı tarixinə əbədi həkk olunub.
Vətən müharibəsi həm də xalqımızın necə böyük birlik nümayiş etdirə bildiyini göstərdi. Cəmiyyətin müxtəlif təbəqələrindən olan insanlar eyni məqsəd ətrafında birləşərək əsgərlərimizə mənəvi dəstək verdilər. Bu birlik qələbə əzmini daha da gücləndirdi. 44 günlük müharibənin nəticələri Azərbaycan tarixində mühüm hadisə kimi qalacaq. Torpaqlarımızın azad olunması xalqımız üçün böyük sevinc və qürur hissi yaratdı. Bu qələbə şəhidlərimizin və qazilərimizin göstərdiyi fədakarlıqla sıx bağlıdır. 27 Sentyabr – Anım Günü isə həmin tarixi günləri xatırlamaq üçün xüsusi əhəmiyyət daşıyır. Bu gün biz Vətən uğrunda həyatını itirən qəhrəmanlarımızı dərin ehtiramla yad edir, onların ailələrinə hörmətimizi bildiririk. 44 günlük Vətən müharibəsinin qəhrəmanları və onların göstərdiyi fədakarlıq Azərbaycan xalqının yaddaşında daim yaşayacaq.
Zərdab rayon Şəftəhal kənd tam orta ümumtəhsil məktəbinin direktoru-Sədiyar Xəlilov
