Özbəkistanın inkişaf və tərəqqi yolu– yeni reallıqlar və böyük nailiyyətlər
Özbəkistan son illərdə həyata keçirilən məqsədyönlü və ardıcıl islahatlar nəticəsində mühüm inkişaf mərhələsinə qədəm qoymuşdur. Ölkənin iqtisadi, sosial və institusional potensialının gücləndirilməsi istiqamətində görülən genişmiqyaslı işlər bu gün Özbəkistanın regionda və beynəlxalq aləmdə mövqeyinin daha da möhkəmlənməsinə mühüm töhfə verir. Azərbaycan Respublikasının Prezidenti İlham Əliyevin də qeyd etdiyi kimi, Şavkat Mirziyoyev Özbəkistana rəhbərlik etməyə başladığı dövrdə ölkədə mövcud vəziyyət indiki reallıqlardan əhəmiyyətli dərəcədə fərqlənirdi. Qarşıya qoyulan əsas məqsədlərdən biri ölkənin davamlı inkişafı üçün möhkəm iqtisadi əsasların formalaşdırılması, iqtisadiyyatın şaxələndirilməsi və müxtəlif sahələrin inkişafının təmin edilməsi idi. Bu istiqamətdə həyata keçirilən islahatlar qısa müddət ərzində mühüm nəticələrin əldə olunmasına imkan yaratdı.
Özbəkistanın iqtisadi inkişaf modelində sənayeləşmənin sürətləndirilməsi, kənd təsərrüfatının müasir tələblər əsasında inkişaf etdirilməsi, enerji sektorunun gücləndirilməsi və ölkənin investisiya cəlbediciliyinin artırılması mühüm yer tutur. Xüsusilə iqtisadiyyatın müxtəlif sahələrinə investisiyaların cəlb olunması yeni istehsal müəssisələrinin yaradılmasına, iş yerlərinin açılmasına və regionların sosial-iqtisadi inkişafının sürətlənməsinə şərait yaradıb. Bu gün Özbəkistanın simasında əvvəlki dövrlə müqayisədə tamamilə fərqli və dinamik inkişaf edən bir ölkə görmək mümkündür. Ölkədə sənayenin inkişafı, kənd təsərrüfatının modernləşdirilməsi, energetika sahəsində yeni layihələrin həyata keçirilməsi, nəqliyyat və infrastruktur imkanlarının genişləndirilməsi istiqamətində mühüm addımlar atılır. Həyata keçirilən bu layihələr Özbəkistanın iqtisadi potensialının daha səmərəli şəkildə reallaşdırılmasına və ölkənin rəqabət qabiliyyətinin artırılmasına xidmət edir.
Özbəkistanın inkişafında Prezident Şavkat Mirziyoyevin rəhbərliyi ilə həyata keçirilən islahatların xüsusi rolu vardır. İqtisadiyyatın liberallaşdırılması, sahibkarlığın və investisiya fəaliyyətinin təşviqi, yeni istehsal sahələrinin yaradılması, kənd təsərrüfatında məhsuldarlığın və səmərəliliyin artırılması ölkənin inkişaf strategiyasının mühüm istiqamətlərini təşkil edir. Bu siyasətin nəticəsi olaraq Özbəkistan beynəlxalq iqtisadi münasibətlər sistemində daha fəal iştirak edən və xarici tərəfdaşlar üçün yeni imkanlar yaradan dövlətə çevrilməkdədir.
Özbəkistanın əldə etdiyi uğurlar Azərbaycan–Özbəkistan münasibətlərinin inkişafı baxımından da xüsusi əhəmiyyət daşıyır. İki qardaş ölkə arasında siyasi dialoqun yüksək səviyyədə olması iqtisadi, ticari, nəqliyyat, energetika, kənd təsərrüfatı və humanitar sahələrdə əməkdaşlığın genişlənməsi üçün möhkəm zəmin yaradır. Dövlət başçıları arasında formalaşmış qarşılıqlı etimad və dostluq münasibətləri ikitərəfli əlaqələrin strateji xarakter daşımasına imkan verir.
Bu gün Özbəkistanın inkişaf təcrübəsi göstərir ki, düzgün müəyyənləşdirilmiş strateji hədəflər, məqsədyönlü islahatlar və ardıcıl dövlət siyasəti böyük potensialın real nəticələrə çevrilməsinə imkan verir. Ölkənin sənaye, kənd təsərrüfatı, energetika və nəqliyyat sahələrində qazandığı nailiyyətlər Özbəkistanın gələcək inkişafı üçün möhkəm əsas formalaşdırır.
Azərbaycan ilə Özbəkistan arasında mövcud olan qardaşlıq və strateji tərəfdaşlıq münasibətləri nəzərə alınmaqla, Özbəkistanın əldə etdiyi hər bir uğur Azərbaycanda da böyük rəğbətlə qarşılanır. Əminliklə demək olar ki, Şavkat Mirziyoyevin rəhbərliyi ilə həyata keçirilən islahatlar və inkişaf strategiyası Özbəkistanın iqtisadi qüdrətinin daha da artırılmasına, xalqın rifahının yüksəldilməsinə və ölkənin beynəlxalq nüfuzunun möhkəmlənməsinə bundan sonra da mühüm töhfələr verəcəkdir.
Fərid Qurbanov – Zərdab rayonu, Təzəkənd kənd sakini, fəal gənc
