İtaliyanın Nazirlər Şurasının sədri Giorgia Meloninin Azərbaycana rəsmi səfəri iki ölkə arasında münasibətlərin daha da inkişafı baxımından əhəmiyyətli hadisə kimi qiymətləndirilir.
Səfər zamanı İtaliya hökumət başçısı Azərbaycan rəhbərliyi ilə görüş keçirib. Görüşdə iki ölkə arasında dostluq əlaqələrinin gücləndirilməsi və yeni əməkdaşlıq imkanları müzakirə olunub. Tərəflər xüsusilə iqtisadi sahədə əməkdaşlığın genişləndirilməsinin vacibliyini vurğulayıblar.
Danışıqlarda enerji məsələləri əsas mövzulardan biri olub. Azərbaycanın Avropaya enerji ixracında mühüm rolu olduğu qeyd edilib. Bu sahədə İtaliya ilə əməkdaşlığın genişləndirilməsi hər iki ölkə üçün faydalı hesab olunur. Bununla yanaşı, ticarət, kənd təsərrüfatı və turizm sahələrində də əməkdaşlıq imkanları nəzərdən keçirilib. İtaliya şirkətlərinin Azərbaycanda fəaliyyətinin artırılması və yeni layihələrin həyata keçirilməsi məsələləri də müzakirə olunub.
Səfər çərçivəsində mədəni əlaqələrə də diqqət yetirilib. Təhsil və turizm sahəsində əməkdaşlığın artırılması, tələbə mübadiləsi proqramlarının genişləndirilməsi kimi məsələlər gündəmdə olub. Bu addımların iki xalq arasında münasibətləri daha da yaxınlaşdıracağı qeyd edilib.
Bu səfər Azərbaycan ilə İtaliya arasında əlaqələrin daha da möhkəmlənməsinə xidmət edəcək. Mütəxəssislər hesab edirlər ki, belə görüşlər gələcəkdə yeni layihələrin həyata keçirilməsinə və iqtisadi əlaqələrin genişlənməsinə şərait yaradır.
Zərdab rayon Hüseynxanlı kənd ümumi orta ümumtəhsil məktəbinin müəllimi-Əfsun Nuriyev
