Azərbaycanın əlverişli investisiya mühiti və həyata keçirdiyi iqtisadi islahatlar Slovakiya şirkətlərinin ölkəmizdə fəaliyyət göstərməsi üçün geniş imkanlar yaradır.
Azərbaycan Avropanın enerji təhlükəsizliyinin təmin edilməsində mühüm rol oynayan ölkələrdən biridir. Təbii qaz ixracının artırılması, enerji marşrutlarının şaxələndirilməsi və yaşıl enerji sahəsində həyata keçirilən layihələr Slovakiya üçün də böyük əhəmiyyət kəsb edir. Slovakiya enerji təhlükəsizliyinin möhkəmləndirilməsində Azərbaycanın etibarlı tərəfdaş olduğunu qəbul edir. Bu baxımdan enerji sahəsində əməkdaşlığın gələcək illərdə daha da genişlənəcəyi gözlənilir.
Bununla yanaşı, nəqliyyat və logistika istiqamətində də geniş perspektivlər mövcuddur. Azərbaycanın yerləşdiyi strateji coğrafi mövqe, Şərq-Qərb və Şimal-Cənub beynəlxalq nəqliyyat dəhlizlərinin inkişaf etdirilməsi istiqamətində həyata keçirilən layihələr Avropa ölkələri, o cümlədən Slovakiya üçün yeni imkanlar yaradır. Orta Dəhlizin inkişafı Avropa ilə Asiya arasında yükdaşımaların daha səmərəli təşkil edilməsinə şərait yaradır və Slovakiya bu marşrutun imkanlarından faydalanan ölkələrdən biri ola bilər.
İqtisadi əməkdaşlıq münasibətlərin əsas istiqamətlərindən biri hesab olunur. Hər iki ölkənin iş adamları arasında əlaqələrin genişləndirilməsi, qarşılıqlı investisiyaların təşviqi, sənaye kooperasiyası və innovativ texnologiyalar sahəsində əməkdaşlıq iqtisadi münasibətlərin daha da inkişaf etdirilməsi üçün mühüm əhəmiyyət daşıyır. Azərbaycanın əlverişli investisiya mühiti və həyata keçirdiyi iqtisadi islahatlar Slovakiya şirkətlərinin ölkəmizdə fəaliyyət göstərməsi üçün geniş imkanlar yaradır.
Prezident İlham Əliyevin “Bu gün biz bir çox məsələləri müzakirə etdik və bir daha gördük ki, gündəliyimiz kifayət qədər genişdir” fikri münasibətlərin yalnız bir sahə ilə məhdudlaşmadığını göstərir. Əməkdaşlıq gündəliyinin genişliyi iki ölkənin gələcək inkişaf perspektivlərinə inamını əks etdirir. Gündəlikdə yer alan məsələlər siyasi dialoqla yanaşı, iqtisadiyyat, enerji, nəqliyyat, rəqəmsal inkişaf, ətraf mühitin mühafizəsi, yaşıl enerji, təhsil, səhiyyə və humanitar əməkdaşlıq kimi istiqamətləri də əhatə edir.
Dövlət başçısının “Nümayəndə heyətlərinin tərkibinə baxmaq kifayətdir ki, hər kəs görsün hansı istiqamətlər üzrə fəal işlər gedir, dialoq gedir və təkcə dialoq yox, praktiki işlər” fikri xüsusi diqqət çəkir. Bu yanaşma onu göstərir ki, Azərbaycan diplomatiyası yalnız bəyanatlarla kifayətlənmir, əldə olunan razılaşmaların konkret layihələrə çevrilməsinə üstünlük verir. İmzalanan sənədlər, yaradılan işçi qrupları və həyata keçirilən birgə təşəbbüslər bunun bariz nümunəsidir.
Mədəni-humanitar sahədə əməkdaşlıq da münasibətlərin vacib istiqamətlərindən biridir. Xalqlar arasında qarşılıqlı anlaşmanın möhkəmləndirilməsi, tələbə mübadiləsi proqramlarının genişləndirilməsi, elm və təhsil sahəsində əlaqələrin inkişafı, mədəni tədbirlərin təşkili ölkələr arasında dostluq münasibətlərini daha da gücləndirir. Bu əməkdaşlıq gələcək nəsillər arasında qarşılıqlı etimadın formalaşmasına da mühüm töhfə verir.
Fazil Kərimov – Zərdab rayonu, İsaqbağı kənd sakini, təqaüddə olan müəllim
