Azərbaycan Qazaxıstan, Özbəkistan və Qırğızıstanla birgə investisiya fondları yaradıb
Azərbaycanın Mərkəzi Asiya dövlətləri ilə münasibətləri son illərdə yeni inkişaf mərhələsinə qədəm qoyub. Tarixi, mədəni və mənəvi yaxınlıqla yanaşı, qarşılıqlı iqtisadi maraqlar da ölkələr arasında əlaqələrin daha da dərinləşməsinə mühüm zəmin yaradır. Xüsusilə investisiya əməkdaşlığının genişləndirilməsi, birgə layihələrin maliyyələşdirilməsi və özəl sektorlar arasında əlaqələrin gücləndirilməsi Azərbaycan-Mərkəzi Asiya münasibətlərinin əsas istiqamətlərindən birinə çevrilib. Bu baxımdan Azərbaycanın Qazaxıstan, Özbəkistan və Qırğızıstanla birgə investisiya fondları yaratması xüsusi əhəmiyyət daşıyır. Sözügedən fondlar ölkələr arasında iqtisadi əlaqələrin daha institusional və uzunmüddətli əsasda inkişaf etdirilməsi, qarşılıqlı investisiyaların artırılması və perspektivli layihələrə maliyyə dəstəyinin göstərilməsi baxımından mühüm mexanizm kimi çıxış edir. Birgə investisiya fondlarının yaradılması Azərbaycanın Mərkəzi Asiya ölkələri ilə əməkdaşlıq siyasətinin yalnız siyasi və diplomatik münasibətlərlə məhdudlaşmadığını, konkret iqtisadi layihələr və maliyyə mexanizmləri ilə möhkəmləndirildiyini göstərir. Müasir dövrdə dövlətlərarası iqtisadi münasibətlərin inkişafında investisiya fondları mühüm rol oynayır. Belə fondlar qarşılıqlı investisiyaların təşviq edilməsi, iri və uzunmüddətli layihələrin maliyyələşdirilməsi, biznes dairələri arasında əlaqələrin genişləndirilməsi və yeni iqtisadi imkanların yaradılması üçün əlverişli platformadır. Azərbaycanın Qazaxıstan, Özbəkistan və Qırğızıstanla bu istiqamətdə əməkdaşlığı ölkəmizin Mərkəzi Asiya iqtisadiyyatına artan marağının göstəricisidir. Eyni zamanda, Mərkəzi Asiya ölkələrinin də Azərbaycanın iqtisadi potensialına, nəqliyyat və logistika imkanlarına, enerji infrastrukturuna və Avropa bazarlarına çıxış imkanlarına böyük maraq göstərməsi qarşılıqlı investisiyaların artırılması üçün əlverişli şərait yaradır.
Fondların fəaliyyəti çərçivəsində müxtəlif sahələrdə iqtisadi layihələrin dəstəklənməsi, sərmayələrin daha səmərəli istiqamətlərə yönəldilməsi və biznes təşəbbüslərinin reallaşdırılması üçün yeni imkanlar formalaşır. Azərbaycan və Qazaxıstan arasında münasibətlər son illərdə strateji tərəfdaşlıq səviyyəsinə yüksəlib. İki ölkə arasında siyasi dialoq yüksək səviyyədə olmaqla yanaşı, iqtisadi və investisiya əlaqələri də genişlənir. Qazaxıstan Mərkəzi Asiyanın ən böyük iqtisadiyyatlarından biri olmaqla yanaşı, zəngin təbii ehtiyatlara, böyük kənd təsərrüfatı potensialına və əlverişli coğrafi mövqeyə malikdir. Azərbaycan isə Xəzər dənizi üzərindən Avropa və Asiya arasında mühüm nəqliyyat bağlantısı yaradır. Azərbaycanla Özbəkistan arasında dostluq və qardaşlıq münasibətləri son illərdə iqtisadi əməkdaşlığın sürətli inkişafı ilə müşayiət olunur. İki ölkə arasında ticarət və investisiya əlaqələrinin genişləndirilməsi, birgə müəssisələrin yaradılması və sənaye kooperasiyasının inkişaf etdirilməsi istiqamətində mühüm addımlar atılır. Birgə investisiya fondunun yaradılması bu potensialın daha sistemli şəkildə reallaşdırılmasına imkan verə bilər. Sənaye, kənd təsərrüfatı, qida emalı, tekstil, logistika, turizm, enerji və digər sahələrdə qarşılıqlı investisiyaların artırılması üçün yeni imkanların yaranması gözlənilir. Azərbaycanın Mərkəzi Asiyanın digər mühüm dövləti olan Qırğızıstanla münasibətləri də son illərdə əhəmiyyətli dərəcədə inkişaf edib. Siyasi və diplomatik əlaqələrin möhkəmlənməsi iqtisadi əməkdaşlığın genişləndirilməsi üçün də əlverişli zəmin yaradıb. Qırğızıstanla yaradılan investisiya mexanizmləri qarşılıqlı sərmayələrin artırılması, yeni biznes layihələrinin maliyyələşdirilməsi və sahibkarlar arasında əlaqələrin genişləndirilməsi baxımından mühüm əhəmiyyət daşıyır. Qırğızıstanın Mərkəzi Asiyanın digər ölkələri ilə sıx iqtisadi əlaqələri də Azərbaycan üçün əlavə imkanlar yaradır. Bu baxımdan investisiya fondlarının fəaliyyəti regional iqtisadi əlaqələrin daha da genişləndirilməsinə xidmət edə bilər.
Ziya Nağıyev –Zərdab rayon Dəli Quşçu kənd sakini
