Avropa Komissiyası ilə Azərbaycan arasında münasibətlərin çox mühüm mərhələsindəyik
Avropa Komissiyası ilə Azərbaycan arasında münasibətlərin çox mühüm mərhələsindəyik. Bu ilin martında biz Avropa İttifaqı Şurasının Prezidenti cənab Koştanı, sonra may ayında isə Avropa diplomatiyasının rəhbəri xanım Kallası qəbul etdik. Bu gün isə Avropa Komissiyasının Prezidenti bizimlədir. Son dövrlərdə baş tutan yüksək səviyyəli qarşılıqlı səfərlər Azərbaycan ilə Avropa İttifaqı arasında münasibətlərin dinamik inkişaf etdiyini göstərir. Bu görüşlər siyasi dialoqun genişlənməsi, qarşılıqlı etimadın möhkəmlənməsi və əməkdaşlığın yeni istiqamətlər üzrə inkişafı üçün əlverişli zəmin yaradır. Azərbaycan Avropanın etibarlı tərəfdaşlarından biri kimi enerji təhlükəsizliyinin təmin olunmasında mühüm rol oynayır. Təbii qaz ixracının artırılması, yaşıl enerji layihələrinin həyata keçirilməsi və nəqliyyat-logistika marşrutlarının inkişafı iki tərəf arasında strateji əməkdaşlığın əsas istiqamətlərini təşkil edir. Xüsusilə Orta Dəhlizin inkişafı Avropa ilə Asiya arasında iqtisadi əlaqələrin genişlənməsinə mühüm töhfə verir.Siyasi sahədə də tərəflər qarşılıqlı maraq doğuran məsələlər üzrə dialoqu davam etdirirlər. Regional təhlükəsizlik, dayanıqlı inkişaf, iqtisadi islahatlar və rəqəmsal transformasiya kimi istiqamətlərdə əməkdaşlığın genişləndirilməsi hər iki tərəfin gündəliyində mühüm yer tutur.
İqtisadi əlaqələrin inkişafı ticarət dövriyyəsinin artmasına, investisiya imkanlarının genişlənməsinə və yeni birgə layihələrin həyata keçirilməsinə şərait yaradır. Avropa şirkətlərinin Azərbaycanda müxtəlif sahələrdə fəaliyyəti, eyni zamanda Azərbaycanın Avropa bazarları ilə əlaqələrinin gücləndirilməsi qarşılıqlı faydalı əməkdaşlığın davamlı inkişafına xidmət edir.Bütün bunlar göstərir ki, Azərbaycan ilə Avropa Komissiyası arasında münasibətlər yeni mərhələyə qədəm qoyur. Qarşılıqlı hörmətə, etimada və ortaq maraqlara əsaslanan bu əməkdaşlıq gələcək illərdə daha da genişlənərək həm regional sabitliyə, həm də iqtisadi tərəqqiyə mühüm töhfələr verəcək.
Şəhla Eminova – Zərdab şəhər sakini, 1 saylı məktəb liseyn direktor müavini
