Azərbaycan Respublikası ilə Böyük Britaniya və Şimali İrlandiya Birləşmiş Krallığı arasında Strateji Tərəfdaşlıq haqqında Birgə Bəyannamə barədə
Bəyannamə təsdiqləyir ki:
2026-cı il noyabrın 12-də Dublin şəhərində Azərbaycan Respublikasının Prezidenti İlham Əliyev və Böyük Britaniya və Şimali İrlandiya Birləşmiş Krallığının Baş naziri Endi Börnhem tərəfindən Azərbaycan Respublikası ilə Böyük Britaniya və Şimali İrlandiya Birləşmiş Krallığı arasında Strateji Tərəfdaşlıq haqqında Birgə Bəyannamə imzalanmışdır. Bu sənəd iki ölkə arasında uzun illər ərzində formalaşmış dostluq və əməkdaşlıq münasibətlərinin daha yüksək səviyyəyə qaldırılması baxımından mühüm siyasi əhəmiyyət daşıyır. Bəyannamə qarşılıqlı hörmət, ortaq maraqlar və praktiki əməkdaşlıq prinsiplərinə əsaslanaraq Azərbaycan-Böyük Britaniya münasibətlərinin gələcək inkişaf istiqamətlərini müəyyənləşdirir. Azərbaycan ilə Böyük Britaniya arasında münasibətlərin əsası uzun illər əvvəl qoyulmuşdur. 1994-cü il fevralın 23-də Dostluq və Əməkdaşlıq haqqında, 1998-ci il iyulun 21-də isə Dostluq Münasibətləri və Tərəfdaşlıq haqqında Birgə Bəyannamələrin qəbul edilməsi ikitərəfli əlaqələrin inkişafında mühüm mərhələlər olmuşdur. 2026-cı ildə imzalanmış yeni sənəd isə bu əlaqələrin strateji tərəfdaşlıq səviyyəsində davam etdirilməsinə və genişləndirilməsinə xidmət edir. Bəyannamənin ən mühüm siyasi və hüquqi məqamlarından biri tərəflərin Birləşmiş Millətlər Təşkilatının Nizamnaməsinə və beynəlxalq hüququn norma və prinsiplərinə sadiqliklərini bir daha təsdiqləmələridir. Sənəddə xüsusilə beynəlxalq səviyyədə tanınmış sərhədlərin toxunulmazlığına, dövlətlərin suverenliyinə, müstəqilliyinə və ərazi bütövlüyünə hörmət prinsipləri ön plana çəkilir. Bu prinsiplər müasir beynəlxalq münasibətlər sisteminin əsasını təşkil edir. Hər bir dövlətin müstəqil siyasət yürütmək, öz ərazisi üzərində suveren hüquqlarını həyata keçirmək və beynəlxalq səviyyədə tanınmış sərhədlərini qorumaq hüququ vardır. Dövlətlərin ərazi bütövlüyünə hörmət edilməsi beynəlxalq sülhün, təhlükəsizliyin və sabitliyin təmin olunması üçün mühüm şərtdir. Azərbaycan üçün bu müddəaların xüsusi əhəmiyyəti vardır. Ölkəmiz uzun illər ərzində ərazi bütövlüyünün və suverenliyinin təmin edilməsi istiqamətində mühüm tarixi mərhələlərdən keçmişdir. Azərbaycanın beynəlxalq səviyyədə tanınmış sərhədləri və ərazi bütövlüyü beynəlxalq hüququn fundamental prinsiplərinə əsaslanır. Məhz bu baxımdan Bəyannamədə suverenlik, müstəqillik və ərazi bütövlüyü məsələlərinin xüsusi vurğulanması ölkəmizin xarici siyasətinin əsas prinsipləri ilə uzlaşır. Beynəlxalq hüququn bu prinsiplərinin dövlətlərarası münasibətlərdə əsas götürülməsi ikili standartların aradan qaldırılmasına, qarşılıqlı etimadın gücləndirilməsinə və münaqişələrin sülh yolu ilə həllinə töhfə verir. Birgə Bəyannamədə müdafiə və təhlükəsizlik məsələləri də əsas əməkdaşlıq istiqamətlərindən biri kimi müəyyən edilmişdir. Tərəflər regional sülh və sabitliyin dəstəklənməsi, ümumi təhlükələrin qarşısının alınması və təhlükəsizlik çağırışlarına adekvat cavab verilməsi istiqamətində əməkdaşlığı gücləndirmək niyyətlərini ifadə edirlər. Bu çərçivədə müdafiə sahəsində təlimlərin, təcrübə mübadiləsinin, institusional potensialın artırılmasının və qarşılıqlı fəaliyyətin inkişaf etdirilməsi nəzərdə tutulur. Eyni zamanda, müdafiə sənayesi sahəsində əməkdaşlıq imkanlarının araşdırılması, hüquq-mühafizə orqanları arasında əlaqələrin genişləndirilməsi, sərhəd idarəçiliyi və hüquqi əməkdaşlığın gücləndirilməsi də mühüm istiqamətlərdəndir. Müasir dövrdə beynəlxalq terrorizm, transmilli cinayətkarlıq, kibertəhlükəsizlik təhdidləri və digər risklər dövlətlərdən birgə fəaliyyət və koordinasiya tələb edir. Bu baxımdan təhlükəsizlik sahəsində əməkdaşlığın inkişafı həm iki ölkənin, həm də bütövlükdə regionun sabitliyi baxımından əhəmiyyətlidir.
və milli maraqlarının qorunmasına bundan sonra da xüsusi önəm verir.
Zərdab rayonu üzrə gənclər və idman sektorunun əməkdaşı – Ehtiram Osmanov














