image-media-qanunla-reklam-49zqr58lyeum0wphsf12
image-1794518187735616847_1200x630

Qarşılıqlı etimad və ortaq maraqlar Azərbaycan-Böyük Britaniya əlaqələrinin əsasını təşkil edir

image-legitimaz-810x90

Qarşılıqlı etimad və ortaq maraqlar Azərbaycan-Böyük Britaniya əlaqələrinin əsasını təşkil edir

 

Dünyada baş verən siyasi və iqtisadi dəyişikliklər dövlətlər arasında əməkdaşlığın əhəmiyyətini daha da artırır. Bu gün ölkələrin inkişafı yalnız daxili imkanlardan deyil, həm də beynəlxalq tərəfdaşlarla qurulan etibarlı münasibətlərdən asılıdır. Azərbaycan müstəqil xarici siyasət həyata keçirərək müxtəlif dövlətlərlə qarşılıqlı hörmət və milli maraqlar əsasında əlaqələrini genişləndirir. Böyük Britaniya ilə münasibətlərin strateji tərəfdaşlıq səviyyəsinə yüksəlməsi də bu əməkdaşlığın mühüm nümunəsidir.

Azərbaycan ilə Böyük Britaniya arasında münasibətlər uzun illərin tarixinə əsaslanır. 1994-cü və 1998-ci illərdə imzalanmış birgə bəyannamələr iki ölkə arasında dostluq və əməkdaşlığın inkişafına mühüm zəmin yaradıb. Sonrakı dövrdə siyasi dialoq, iqtisadi əlaqələr və qarşılıqlı səfərlər bu münasibətlərin daha da möhkəmlənməsinə şərait yaradıb. 2026-cı il noyabrın 12-də Dublində Azərbaycan Prezidenti İlham Əliyev və Böyük Britaniyanın Baş naziri Endi Börnham tərəfindən Strateji Tərəfdaşlıq haqqında Birgə Bəyannamənin imzalanması ikitərəfli münasibətlərin yeni mərhələyə qədəm qoyduğunu göstərir. Bu sənəd qarşılıqlı hörmətə, ortaq maraqlara və praktik əməkdaşlığa əsaslanan əlaqələrin genişləndirilməsini nəzərdə tutur.

Bəyannamənin əhəmiyyəti ondadır ki, o, yalnız mövcud münasibətləri təsdiqləmir, eyni zamanda gələcək əməkdaşlığın əsas istiqamətlərini müəyyən edir. Sənəddə müdafiə və təhlükəsizlik, ticarət və investisiya, təhsil və innovasiya sahələri üzrə konkret əməkdaşlıq məqsədləri əks olunub. Azərbaycan-Böyük Britaniya əməkdaşlığının digər mühüm tərəfi iqtisadi əlaqələrin şaxələndirilməsidir. Enerji sahəsində uzun illərdir davam edən tərəfdaşlıqla yanaşı, nəqliyyat, logistika, yaşıl enerji, investisiya və maliyyə sahələrində yeni imkanların yaradılması nəzərdə tutulur. Xüsusilə Orta Dəhlizin inkişafına verilən diqqət Azərbaycanın beynəlxalq nəqliyyat əlaqələrindəki rolunun genişlənməsi baxımından əhəmiyyətlidir. Tərəfdaşlığın təhsil və innovasiya istiqaməti də gələcək üçün mühüm imkanlar yaradır. Universitetlər, elmi müəssisələr və mütəxəssislər arasında əlaqələrin genişləndirilməsi, rəqəmsal texnologiyalar və süni intellekt sahəsində təcrübə mübadiləsi ölkəmizin müasir inkişafına töhfə verə bilər.

Birgə Bəyannamədə əməkdaşlığın gedişini mütəmadi qiymətləndirmək üçün hər il Strateji Tərəfdaşlıq görüşlərinin keçirilməsi də razılaşdırılıb. Bu, müəyyən edilmiş məqsədlərin həyata keçirilməsini izləmək və yeni əməkdaşlıq imkanlarını müzakirə etmək baxımından əhəmiyyətlidir. Nəticə etibarilə, Azərbaycan ilə Böyük Britaniya arasında imzalanmış Birgə Bəyannamə iki ölkənin münasibətlərində yeni əməkdaşlıq imkanları açır. Bu sənəd göstərir ki, müasir tərəfdaşlıq yalnız siyasi bəyanatlarla deyil, konkret layihələr, qarşılıqlı fayda və uzunmüddətli məqsədlərlə möhkəmlənir. Əsas məsələ əldə olunmuş razılaşmaların ardıcıl şəkildə həyata keçirilməsi və onların hər iki ölkənin inkişafına real töhfə verməsidir.

 

 

Zərdab rayon Əlibəyli kənd tam orta ümumtəhsil məktəbinin müəllimi-Gülşən İsmayılova


  • whatsapp
  • messenger
  • telegram
  • vkontakte
  • odnoklassniki