image-media-qanunla-reklam-49zqr58lyeum0wphsf12
image-images

Azərbaycan – Böyük Britaniya əməkdaşlığında təhsil və innovasiyanın rolu

image-legitimaz-810x90

Azərbaycan – Böyük Britaniya əməkdaşlığında təhsil və innovasiyanın rolu

 

Müasir dövrdə dövlətlərin inkişafı yalnız iqtisadi imkanlardan və təbii sərvətlərdən deyil, həm də bilikdən, elmdən və yeni texnologiyalardan asılıdır. Sürətlə dəyişən dünyada rəqabətə davam gətirmək üçün savadlı gənclərin yetişdirilməsi, təhsilin keyfiyyətinin artırılması və innovasiyaların tətbiqi mühüm əhəmiyyət daşıyır. Azərbaycan da bu istiqamətdə beynəlxalq təcrübədən yararlanmağa və qabaqcıl ölkələrlə əməkdaşlığı genişləndirməyə xüsusi diqqət yetirir.

Azərbaycan ilə Böyük Britaniya və Şimali İrlandiya Birləşmiş Krallığı arasında imzalanmış Strateji Tərəfdaşlıq haqqında Birgə Bəyannamədə təhsil və innovasiya sahəsinə xüsusi yer ayrılması gələcək əməkdaşlıq baxımından mühüm addımdır. Sənədin əsas məqsədi iki ölkə arasında elm, təhsil, tədqiqat və müasir texnologiyalar üzrə əlaqələri daha da inkişaf etdirməkdir. Bəyannamədə ali təhsil, peşə təhsili, rəqəmsal və texniki bacarıqların artırılması, dövlət və özəl sektor üçün mütəxəssis hazırlığı kimi məsələlər nəzərdə tutulur. Bu əməkdaşlıq gənclərin müasir əmək bazarının tələblərinə uyğun bilik və bacarıqlara yiyələnməsinə, yeni peşələrə marağının artmasına və gələcək karyera imkanlarının genişlənməsinə kömək edə bilər.

Təhsil sahəsində əməkdaşlığın mühüm istiqamətlərindən biri universitetlər və elmi tədqiqat müəssisələri arasında əlaqələrin gücləndirilməsidir. Müxtəlif ölkələrin alimlərinin və mütəxəssislərinin birgə fəaliyyəti yeni elmi nəticələrin əldə olunmasına, təcrübə mübadiləsinə və innovativ ideyaların inkişafına şərait yaradır. Bu baxımdan Azərbaycan və Böyük Britaniya arasında elmi layihələrin genişləndirilməsi xüsusi əhəmiyyət daşıyır. Sənəddə süni intellekt, rəqəmsal idarəetmə, yeni texnologiyalar və həyat elmləri sahəsində əməkdaşlıq da diqqət mərkəzindədir. Bu gün süni intellekt təhsildən səhiyyəyə, sənayedən dövlət idarəçiliyinə qədər bir çox sahədə dəyişikliklər yaradır. Onun imkanlarından düzgün istifadə etmək üçün müasir biliklərə malik mütəxəssislərin hazırlanması vacibdir.

Birgə Bəyannamədə insanlar arasında əlaqələrin və peşəkar şəbəkələrin genişləndirilməsinə də önəm verilir. Tələbələrin, müəllimlərin, alimlərin və müxtəlif sahələrdə çalışan mütəxəssislərin qarşılıqlı təcrübə mübadiləsi iki ölkənin cəmiyyətləri arasında əlaqələrin möhkəmlənməsinə xidmət edir. Təhsil və innovasiya sahəsində əməkdaşlığın əsas üstünlüyü ondan ibarətdir ki, onun nəticələri gələcək nəsillər üçün uzunmüddətli fayda yaradır. Çünki bu gün əldə olunan bilik sabahın inkişafına, elmi yeniliklər isə yeni iqtisadi imkanlara çevrilir. Beləliklə, Azərbaycan ilə Böyük Britaniya arasında Strateji Tərəfdaşlıq haqqında Birgə Bəyannamə təhsil, elm və texnologiya sahələrində yeni əməkdaşlıq imkanları açır. Bu istiqamətdə atılacaq addımlar ölkəmizdə insan kapitalının güclənməsinə, gənclərin müasir biliklərə yiyələnməsinə və Azərbaycanın innovativ inkişafına öz töhfəsini verə bilər.

 

Zərdab rayon İsaqbağı kənd tam orta ümumtəhsil məktəbinin direktoru-Dayangül Vəliyeva


  • whatsapp
  • messenger
  • telegram
  • vkontakte
  • odnoklassniki