image-media-qanunla-reklam-49zqr58lyeum0wphsf12
image-1795099509339564539_1200x630

Vyetnam biznesinin Azərbaycan iqtisadiyyatında iştirakı ikitərəfli münasibətlərin mühüm tərkib hissəsidir

image-legitimaz-810x90

Vyetnam biznesinin Azərbaycan iqtisadiyyatında iştirakı ikitərəfli münasibətlərin mühüm tərkib hissəsidir

Azərbaycan–Vyetnam münasibətlərinin inkişafında iqtisadi əməkdaşlığın genişləndirilməsi, qarşılıqlı investisiyaların təşviqi və özəl sektor nümayəndələri arasında birbaşa əlaqələrin qurulması mühüm əhəmiyyət kəsb edir. Siyasi müstəvidə əldə olunmuş razılaşmaların konkret iqtisadi layihələrlə tamamlanması strateji tərəfdaşlığın praktiki məzmununun zənginləşdirilməsinə xidmət edir. Bu baxımdan Vyetnam biznes dairələrinin Azərbaycan iqtisadiyyatına marağının artması ikitərəfli əlaqələrin inkişafında yeni imkanlar yaradır. “ROX Group” şirkətinin Azərbaycan bazarına marağı bu baxımdan diqqətəlayiq nümunədir. Şirkət tikinti və infrastrukturun inkişafı, eləcə də bərpaolunan enerji sahələrində layihələrin həyata keçirilməsində iştirak etmək niyyətini ifadə etmişdir. 2026-cı il sentyabrın 25-də Bakıda keçirilən İkinci Azərbaycan Beynəlxalq İnvestisiya Forumu çərçivəsində “ROX Group” ilə tikinti və inkişaf sahəsində, həmçinin Günəş və külək enerjisi layihələrinin həyata keçirilməsi imkanlarının qiymətləndirilməsi üzrə müvafiq Anlaşma Memorandumlarının imzalanması bu marağın konkret əməkdaşlıq müstəvisinə keçdiyini nümayiş etdirdi.

Xüsusilə bərpaolunan enerji sahəsində əməkdaşlıq perspektivləri diqqətəlayiqdir. Əldə olunmuş razılaşmalar Azərbaycanda 600 meqavat gücündə quruda külək elektrik stansiyasının, Naxçıvan Muxtar Respublikasında isə 200 meqavat gücündə Günəş elektrik stansiyasının yaradılması imkanlarının araşdırılmasını nəzərdə tutur. Bu təşəbbüslər Azərbaycanın yaşıl enerji potensialının genişləndirilməsi, enerji istehsalının şaxələndirilməsi və gələcəkdə elektrik enerjisi ixracı imkanlarının artırılması baxımından əhəmiyyətlidir.

Tikinti və infrastruktur sahəsində əməkdaşlıq da qarşılıqlı investisiya münasibətlərinin inkişafı üçün mühüm imkanlar yaradır. Azərbaycanın nəqliyyat, logistika, şəhərsalma və sənaye infrastrukturu sahələrində həyata keçirdiyi genişmiqyaslı layihələr xarici investorlar üçün cəlbedici əməkdaşlıq mühiti formalaşdırır. Vyetnam şirkətlərinin bu proseslərdə iştirakı ölkələrimiz arasında iqtisadi əlaqələrin daha da şaxələndirilməsinə, biznes dairələri arasında birbaşa təmasların artmasına və yeni investisiya təşəbbüslərinin reallaşdırılmasına töhfə verir.

Vyetnam biznesinin Azərbaycan iqtisadiyyatına cəlb olunması yalnız ayrı-ayrı investisiya layihələrinin həyata keçirilməsi baxımından deyil, həm də strateji tərəfdaşlığımızın iqtisadi əsaslarının möhkəmləndirilməsi baxımından əhəmiyyətlidir. Bu istiqamətdə dövlət qurumları, investisiya institutları və özəl sektor nümayəndələri arasında əlaqələrin genişləndirilməsi, biznes forumlarının təşkili və qarşılıqlı investisiya imkanlarının təşviqi xüsusi önəm daşıyır. Azərbaycan şirkətlərinin də Vyetnam bazarında fəaliyyət imkanlarının genişləndirilməsi ikitərəfli iqtisadi münasibətlərin qarşılıqlı xarakter daşımasına xidmət edir. Belə yanaşma ticarət dövriyyəsinin artırılması ilə yanaşı, birgə müəssisələrin yaradılması, texnologiya transferi və yeni bazarlara çıxış baxımından da perspektivlər açır.

 

Zülfiyyə Əhmədova- Zərdab şəhər 3 saylı tam orta ümumtəhsil məktəbinin direktoru

 

 

 

 


  • whatsapp
  • messenger
  • telegram
  • vkontakte
  • odnoklassniki