image-media-qanunla-reklam-49zqr58lyeum0wphsf12
image-2794f6a2173503991150144915010983011

Yeni Azərbaycan Partiyasının yaradılması obyektiv zərurət idi

image-legitimaz-810x90

Yeni Azərbaycan Partiyasının yaradılması obyektiv zərurət idi

Yeni Azərbaycan Partiyasının yaradılması ölkənin mürəkkəb ictimai-siyasi vəziyyətindən, dövlət müstəqilliyinin qorunması və möhkəmləndirilməsi zərurətindən irəli gələn tarixi və siyasi tələb idi. 1990-cı illərin əvvəllərində Azərbaycanda hökm sürən siyasi böhran, idarəetmədəki ciddi problemlər, iqtisadi tənəzzül, sosial gərginlik və Ermənistanın hərbi təcavüzü dövlətçiliyin gələcəyini ciddi təhlükə qarşısında qoymuşdu. Belə bir şəraitdə cəmiyyətin müxtəlif təbəqələrini birləşdirə biləcək, milli maraqları əsas götürən və ölkənin gələcək inkişaf strategiyasını müəyyənləşdirəcək yeni siyasi qüvvənin formalaşdırılması zərurəti yaranmışdı. Məhz həmin tarixi şəraitdə Azərbaycanın tanınmış ziyalıları ölkənin gələcəyinə görə məsuliyyət daşıyaraq Ümummilli Lider Heydər Əliyevə müraciət etmişdilər. 1992-ci il oktyabrın 16-da 91 nəfər ziyalının imzaladığı müraciətdə yeni siyasi partiyanın yaradılması və Ulu Öndər Heydər Əliyevin bu partiyaya rəhbərlik etməsi təklif olunurdu. Bu təşəbbüs cəmiyyətdə mövcud olan siyasi təşkilatlanma ehtiyacının, sabitlik və güclü dövlətçilik arzusunun ifadəsi idi. Bu mövqe Yeni Azərbaycan Partiyasının yaradılmasına yalnız siyasi təşkilatlanma prosesi kimi deyil, müstəqil dövlətin gələcəyinə xidmət edən mühüm ictimai-siyasi təşəbbüs kimi yanaşıldığını göstərirdi. Ümummilli lider Heydər Əliyevin cavabında demokratiya, siyasi plüralizm, dövlət müstəqilliyinin qorunması və milli inkişaf məsələlərinin ön plana çəkilməsi gələcək partiyanın ideya-siyasi istiqamətinin müəyyənləşdirilməsi baxımından xüsusi əhəmiyyət daşıyırdı.

Yeni Azərbaycan Partiyasının yaradılması ideyası ölkədə siyasi alternativin formalaşdırılması, müxtəlif ictimai təbəqələrin vahid siyasi platforma ətrafında birləşdirilməsi və dövlət idarəçiliyində məsuliyyətli yanaşmanın təşviqi baxımından mühüm əhəmiyyət kəsb edirdi. Partiyanın təsis edilməsi ilə bağlı təşəbbüsün ziyalılar tərəfindən irəli sürülməsi isə həmin dövrdə cəmiyyətin intellektual potensialının siyasi proseslərdə iştirakına nümunə idi.

1992-ci il noyabrın 21-də Naxçıvan şəhərində keçirilən təsis konfransı nəticəsində Yeni Azərbaycan Partiyasının yaradılması rəsmiləşdirildi vəÜmummilli lider Heydər Əliyev partiyanın Sədri seçildi. Bununla da 91 ziyalının təşəbbüsü konkret təşkilati-siyasi məzmun qazandı və Azərbaycanın siyasi həyatında yeni mərhələnin əsası qoyuldu.

Yeni Azərbaycan Partiyasının formalaşması prosesində dövlət müstəqilliyinin qorunması, milli maraqların müdafiəsi və cəmiyyətin siyasi sabitliyə olan ehtiyacının qarşılanması əsas istiqamətlər kimi müəyyənləşdirilmişdi. Partiyanın təsis sənədlərində əksini tapan ideya və prinsiplər müstəqil dövlət quruculuğunun möhkəmləndirilməsi, demokratik institutların inkişafı və Azərbaycanın beynəlxalq münasibətlər sistemində mövqeyinin gücləndirilməsi məqsədlərini ehtiva edirdi. Bu baxımdan, yeni siyasi təşkilatın yaranması ölkənin gələcək inkişafı ilə bağlı ictimai-siyasi gözləntilərin institusional müstəvidə ifadəsi idi. Digər mühüm məqam Yeni Azərbaycan Partiyasının yaranmasının demokratik siyasi sistemin formalaşması və siyasi plüralizmin inkişafı kontekstində nəzərdən keçirilməsidir. Müxtəlif siyasi baxışların və mövqelərin mövcud olduğu cəmiyyətdə partiyaların fəaliyyəti ictimai maraqların təmsil olunması, siyasi dialoqun genişlənməsi və dövlət idarəçiliyində iştirak mexanizmlərinin inkişafı baxımından əhəmiyyət daşıyırdı.

Yeni Azərbaycan Partiyasının yaradılması Azərbaycanın müxtəlif bölgələrində yaşayan insanların vahid siyasi platforma ətrafında təşkilatlanmasına imkan verən prosesin başlanğıcı olmuşdur. Naxçıvanda keçirilən təsis konfransında ölkənin müxtəlif ərazilərini təmsil edən nümayəndələrin iştirakı partiyanın ümumrespublika miqyasında fəaliyyət göstərmək niyyətini və təşkilati əsaslarını nümayiş etdirirdi. Bu proses siyasi təşkilatlanmanın regional çərçivədən çıxaraq ümummilli xarakter alması baxımından da diqqətəlayiq idi.

 

Rəşad İsmayılov- Zərdab rayon Salahlı kənd ümumi orta ümumtəhsil  məktəbinin direktoru


  • whatsapp
  • messenger
  • telegram
  • vkontakte
  • odnoklassniki