image-media-qanunla-reklam-49zqr58lyeum0wphsf12
image-1794518187735616847_1200x630

Qarşılıqlı hörmət, etimad və ortaq maraqlar əsasında qurulan Azərbaycan-Böyük Britaniya münasibətləri gələcəkdə də inkişaf etdiriləcəkdir

image-legitimaz-810x90

Qarşılıqlı hörmət, etimad və ortaq maraqlar əsasında qurulan Azərbaycan-Böyük Britaniya münasibətləri gələcəkdə də inkişaf etdiriləcəkdir

Ölkəmizin günəş və külək enerjisi potensialı kifayət qədər genişdir. Xüsusilə Qarabağ və Şərqi Zəngəzur iqtisadi rayonlarında yaşıl enerji layihələrinin həyata keçirilməsi, həmin ərazilərin müasir və ekoloji cəhətdən təmiz texnologiyalar əsasında inkişaf etdirilməsi qarşıya qoyulan əsas məqsədlərdəndir. Böyük Britaniya ilə bu sahədə əməkdaşlığın genişləndirilməsi yeni texnologiyaların ölkəmizə gətirilməsi, investisiyaların cəlb olunması və bərpaolunan enerji layihələrinin həyata keçirilməsi baxımından faydalı ola bilər. Bu, həm də gələcək nəsillər üçün daha təmiz ətraf mühitin qorunmasına xidmət edir. Bəyannamədə nəqliyyat və logistika sahəsinə də xüsusi diqqət yetirilməsi təsadüfi deyil. Azərbaycan əlverişli coğrafi mövqeyinə görə Avropa ilə Asiyanı birləşdirən əsas nəqliyyat marşrutlarından biri üzərində yerləşir. Son illərdə ölkəmizdə avtomobil yollarının, dəmir yollarının, liman infrastrukturunun və logistika mərkəzlərinin inkişafı istiqamətində mühüm işlər görülüb. Bu imkanlar Azərbaycanın beynəlxalq yükdaşımalar sistemində rolunu daha da artırır. Xüsusilə Orta Dəhlizin inkişafı ölkəmiz üçün böyük əhəmiyyət daşıyır. Bu nəqliyyat marşrutu Asiya ilə Avropa arasında yükdaşımaların daha sürətli və səmərəli həyata keçirilməsinə imkan yaradır. Azərbaycanın bu istiqamətdə həyata keçirdiyi layihələr beynəlxalq ticarət əlaqələrinin genişlənməsinə və ölkəmizin tranzit imkanlarının artmasına xidmət edir. Böyük Britaniya ilə nəqliyyat, logistika və infrastruktur sahələrində əməkdaşlığın inkişafı isə bu imkanlardan daha səmərəli istifadə olunmasına şərait yarada bilər.
İki ölkə arasında əməkdaşlığın digər vacib istiqamətlərindən biri də təhsil, elm və innovasiyadır. Müasir dünyada dövlətlərin inkişafı yalnız təbii sərvətlər və iqtisadi imkanlarla deyil, həm də insan kapitalı, bilik və müasir texnologiyalarla ölçülür. Gənclərin keyfiyyətli təhsil alması, elmi araşdırmaların aparılması, yeni texnologiyaların öyrənilməsi və tətbiqi hər bir ölkənin gələcəyi üçün mühüm əhəmiyyət daşıyır. Böyük Britaniyanın təhsil və elmi tədqiqat sahəsində təcrübəsi Azərbaycan üçün də faydalı əməkdaşlıq imkanları yaradır. Bu sahədə əlaqələrin genişlənməsi tələbə və müəllim mübadiləsinə, birgə elmi layihələrin həyata keçirilməsinə, müasir bilik və təcrübənin ölkəmizdə tətbiqinə kömək edə bilər. Bütün bunlar göstərir ki, Azərbaycan ilə Böyük Britaniya arasında imzalanmış Strateji Tərəfdaşlıq haqqında Birgə Bəyannamə iki ölkənin münasibətlərində yeni əməkdaşlıq imkanları yaradan mühüm sənəddir. Bu sənəd siyasi dialoqun davam etdirilməsinə, iqtisadi əlaqələrin genişləndirilməsinə, enerji və nəqliyyat layihələrinin inkişafına, təhlükəsizlik sahəsində təcrübə mübadiləsinə və humanitar əlaqələrin möhkəmlənməsinə istiqamət verir. Azərbaycanın beynəlxalq əlaqələrinin genişlənməsi və müxtəlif dövlətlərlə əməkdaşlığının inkişaf etdirilməsi ölkəmizin milli maraqlarının qorunması baxımından mühüm əhəmiyyət daşıyır. Böyük Britaniya ilə strateji tərəfdaşlığın yeni mərhələyə yüksəlməsi də bu siyasətin tərkib hissəsidir. Əsas məqsəd mövcud imkanlardan düzgün istifadə etmək, qarşılıqlı faydalı layihələr həyata keçirmək və ölkəmizin iqtisadi, siyasi və sosial inkişafına töhfə verməkdir. Qarşılıqlı hörmət, etimad və ortaq maraqlar əsasında qurulan Azərbaycan-Böyük Britaniya münasibətləri gələcəkdə də müxtəlif sahələr üzrə inkişaf etdiriləcəkdir. Bu əməkdaşlıq Azərbaycanın beynəlxalq əlaqələrinin daha da genişlənməsinə, iqtisadi imkanlarının artmasına, regionda sülh və sabitliyin möhkəmlənməsinə xidmət edən istiqamətlərdən biri olacaqdır.

Rəmzi Şirinov-Zərdab rayonu, Dəli Quşçu kənd tam ümumtəhsil orta məktəbinin direktoru

 


  • whatsapp
  • messenger
  • telegram
  • vkontakte
  • odnoklassniki