Bakı, o cümlədən Azərbaycanın bir çox qədim şəhərləri öz memarlığı ilə fərəhlənə bilər.
2026-cı il mayın 18-də Bakı şəhərində keçirilən 13-cü Ümumdünya Şəhərsalma Forumunda Azərbaycan Prezidenti cənab İlham Əliyev çıxışı zamanı ölkəmizin qədim şəhərlərinin memarlıq gözəlliyindən bəhs etdi. Prezident qeyd etdi ki, Bakı və Azərbaycanın bir çox qədim şəhərləri öz memarlığı ilə fərəhlənə bilər. Bu fikir ölkəmizin zəngin tarixini və mədəni irsini bir daha dünyaya göstərdi. Doğrudan da, Azərbaycan qədim tarixə malik ölkədir. Burada yerləşən şəhərlər əsrlər boyu formalaşmış memarlıq nümunələri ilə seçilir. Xüsusilə Bakı şəhəri qədimliklə müasirliyin vəhdətini özündə birləşdirir. İçərişəhərin dar küçələri, qədim daş binaları, tarixi qalaları və məşhur Qız qalası şəhərin keçmişindən xəbər verir. Eyni zamanda müasir göydələnlər və yeni tikililər Bakının inkişaf edən dünya şəhəri olduğunu göstərir.
Azərbaycanın digər qədim şəhərləri də öz gözəlliyi ilə diqqət çəkir. Şəki şəhərində yerləşən xan sarayı və qədim karvansaralar turistlərin böyük marağına səbəb olur. Gəncə, Şamaxı və Naxçıvan kimi qədim şəhərlərimizdə də tarixi abidələr qorunub saxlanılır. Bu abidələr xalqımızın keçmişini, sənətini və mədəniyyətini yaşadır.
Son illərdə Azərbaycanda tarixi binaların bərpasına və qorunmasına xüsusi diqqət yetirilir. Dövlət tərəfindən həyata keçirilən layihələr nəticəsində bir çox qədim tikililər yenidən bərpa olunub. Bu işlər həm ölkə vətəndaşları, həm də xarici turistlər üçün böyük əhəmiyyət daşıyır. Tarixi abidələrin qorunması gələcək nəsillərin öz keçmişini daha yaxşı tanımasına kömək edir. Bakıda keçirilən Ümumdünya Şəhərsalma Forumu Azərbaycanın beynəlxalq aləmdə nüfuzunu bir daha artırdı. Forum iştirakçıları ölkəmizin qədim memarlıq nümunələri ilə yaxından tanış olmaq imkanı əldə etdilər. Prezident İlham Əliyevin çıxışı isə göstərdi ki, Azərbaycan öz tarixi və mədəni irsini qoruyaraq müasir inkişaf yolunda inamla addımlayır.
Zərdab rayon Əlibəyli kənd tam orta ümumtəhsil məktəbinin direktoru-Kəmalə Əliyeva
