Zərifə Əliyevanın elmi fəaliyyətinin əsas istiqaməti göz xəstəliklərinin öyrənilməsi, diaqnostikası və müalicəsi olmuşdur
Azərbaycan tibb elminin inkişafında silinməz iz qoymuş görkəmli alimlərdən biri olan Zərifə Əliyeva XX əsrin ikinci yarısında oftalmologiya sahəsində fundamental yeniliklərə imza atmışdır. Onun elmi fəaliyyəti yalnız tibbi araşdırmalarla məhdudlaşmamış, həm də yeni elmi istiqamətlərin formalaşmasına, milli kadrların yetişdirilməsinə və praktik səhiyyənin inkişafına güclü təsir göstərmişdir. Zərifə Əliyevanın elmi irsi bu gün də aktual olmaqla, müasir oftalmologiyanın inkişafında mühüm mənbə kimi dəyərləndirilir.
Zərifə Əliyevanın elmi maraqları erkən yaşlarından formalaşmış və o, həyatını tibb elminə həsr etməyi qarşısına məqsəd qoymuşdur. Azərbaycan Dövlət Tibb İnstitutunu əla qiymətlərlə bitirdikdən sonra o, göz xəstəlikləri sahəsində ixtisaslaşaraq elmi-tədqiqat fəaliyyətinə başlamışdır.
O, Moskva şəhərində ixtisasartırma kursları keçərək oftalmologiyanın ən yeni metodlarını mənimsəmiş və bu bilikləri Azərbaycanda tətbiq etmişdir. Sonrakı dövrdə Oftalmologiya Elmi-Tədqiqat İnstitutunda fəaliyyət göstərərək qısa müddətdə elmi işçi kimi tanınmışdır.
Bu mərhələ onun gələcək böyük elmi uğurlarının bünövrəsini qoymuşdur.
Zərifə Əliyevanın elmi fəaliyyətinin əsas istiqaməti göz xəstəliklərinin öyrənilməsi, diaqnostikası və müalicəsi olmuşdur. O, xüsusilə aşağıdakı sahələrdə mühüm nəticələr əldə etmişdir:
Alim Azərbaycanda geniş yayılmış traxoma xəstəliyinin araşdırılması və aradan qaldırılması istiqamətində mühüm elmi-praktik işlər aparmışdır. Bu sahədə apardığı tədqiqatlar nəticəsində xəstəliyin yayılma mexanizmləri öyrənilmiş və effektiv müalicə üsulları tətbiq olunmuşdur.
Bu fəaliyyət nəticəsində Azərbaycanda traxomanın demək olar ki, kökü kəsilmişdir ki, bu da onun elmi fəaliyyətinin ən böyük nailiyyətlərindən biri hesab olunur.
Zərifə Əliyeva istehsalat şəraiti ilə bağlı yaranan göz xəstəliklərini sistemli şəkildə araşdıran ilk alimlərdən biri olmuşdur. Onun tədqiqatları iş mühitinin göz sağlamlığına təsirini kimyəvi və fiziki faktorların yaratdığı riskləri profilaktik tədbirlərin tətbiqini elmi əsaslarla izah etmişdir.
Rasim Hüseynov – Zərdab Rayon Ağsaqqallar Şurasının sədri
