Uzun illər davam edən ayrılıqdan sonra doğma Şuşaya qayıdış – tarixi ədalətin bərpası, milli kimliyimizin təntənəsi və mənəvi dirçəlişimizin təcəssümü
Şuşaya qayıdış xalqımızın yaddaşında yalnız coğrafi məkana dönüş deyil, uzun illər həsrətində olduğumuz doğma torpağa, milli-mənəvi dəyərlərimizə, tarixi köklərimizə və ata-baba yurdumuza qovuşmağın möhtəşəm təzahürüdür. Uzun illər davam edən ayrılıq dövründə Şuşa hər bir azərbaycanlının qəlbində müqəddəs bir məkan, milli qürur və azadlıq rəmzi kimi yaşayıb. Bu ayrılıq yalnız insanların doğma evlərindən, küçələrindən, məhəllələrindən uzaq düşməsi ilə məhdudlaşmırdı; eyni zamanda, ailə xatirələrinin, nəsillərdən-nəsillərə ötürülən ənənələrin, mədəni irsin və mənəvi bağlılığın həsrətini ifadə edirdi. Şuşa Azərbaycan xalqının tarixində, ədəbiyyatında, musiqisində və incəsənətində xüsusi yer tutan, milli mədəniyyətimizin beşiyi hesab edilən şəhərdir. Bu şəhərin hər bir daşı, küçəsi, tarixi abidəsi, məscidi, bulağı və qədim tikilisi xalqımızın zəngin keçmişindən xəbər verir. Məhz buna görə də Şuşaya qayıdış həm tarixi yaddaşın bərpası, həm də milli ruhun yenidən canlanması baxımından müstəsna əhəmiyyət daşıyır. Doğma yurda dönüş illərlə qəlblərdə yaşadılan ümidlərin gerçəkləşməsi, ata-baba ocaqlarının yenidən tüstülənməsi, doğma torpağın havasını udmaq, onun küçələrində gəzmək və uşaqlıq xatirələrinə qovuşmaq deməkdir. Bu qayıdış xalqımızın iradəsinin, birliyinin, əzminin və Vətən sevgisinin parlaq ifadəsidir. Şuşanın yenidən qurulması, tarixi-mədəni irsinin qorunması, infrastrukturunun bərpası, sosial və iqtisadi həyatının canlandırılması şəhərin gələcək inkişafı üçün mühüm zəmin yaradır. Burada həyata keçirilən bərpa və quruculuq işləri yalnız fiziki məkanın yenilənməsi deyil, həm də uzun illər pozulmuş tarixi və mənəvi bağlılığın bərpasıdır. Şuşaya qayıdan insanlar özləri ilə keçmişin xatirələrini, bu günün sevincini və gələcəyə dair böyük ümidlərini gətirirlər. Bu şəhərdə yenidən qurulan hər bir ev, açılan hər bir məktəb, bərpa edilən hər bir mədəniyyət abidəsi xalqımızın öz tarixinə və milli irsinə sahib çıxmasının göstəricisidir. Şuşa artıq yalnız keçmişin xatirəsi deyil, həm də müasir Azərbaycanın quruculuq, inkişaf və gələcəyə inam simvoludur. Doğma şəhərə qayıdışımız bir daha sübut edir ki, insanı Vətənə bağlayan tellər zamanın, məsafənin və çətinliklərin fövqündə dayanır. Uzun illərin ayrılığından sonra Şuşaya qayıtmaq bizim üçün sadəcə bir ünvana çatmaq deyil, qəlbimizin bir parçasına qovuşmaq, milli yaddaşımızı yaşatmaq və gələcək nəsillərə Vətən sevgisinin əbədi dəyər olduğunu nümayiş etdirməkdir. Şuşaya qayıdış keçmişə ehtiramımızın, bu günümüzün qürurunun və gələcəyimizə olan inamımızın vahid ifadəsidir.
Zərdab rayon Heydər Əliyev Mərkəzinin elmi işçisi -Alagöz Namazova
