Azərbaycan Respublikası Milli Məclisinin deputatı Jalə Əliyeva Zərdab rayonunda növbəti vətəndaş qəbulu və seçicilərlə görüş keçirib.
Xeberaz.info xəbər verir ki, görüş rayonun Heydər Əliyev Mərkəzində baş tutub.
Görüşdə rayon sakinləri iştirak edərək onları narahat edən məsələləri, təklif və müraciətlərini deputatın diqqətinə çatdırıblar. Vətəndaşlar tərəfindən sosial müdafiə, məşğulluq, təhsil, infrastruktur, kommunal xidmətlər və digər sahələrlə bağlı müxtəlif məsələlər qaldırılıb.
Millət vəkili Jalə Əliyeva hər bir müraciəti diqqətlə dinləyərək qaldırılan məsələlərin həlli istiqamətində müvafiq addımların atılacağını bildirib. O qeyd edib ki, vətəndaşlarla mütəmadi görüşlərin keçirilməsi onların problem və təkliflərinin yerində öyrənilməsi baxımından mühüm əhəmiyyət daşıyır.
Görüş zamanı ölkəmizdə həyata keçirilən genişmiqyaslı islahatlar, regionların sosial-iqtisadi inkişafı istiqamətində görülən işlər, eləcə də qarşıda duran vəzifələr barədə ətraflı fikir mübadiləsi aparılıb. Deputat dövlətimizin başçısı tərəfindən həyata keçirilən uğurlu siyasətin ölkənin hərtərəfli inkişafına, vətəndaş rifahının yüksəldilməsinə xidmət etdiyini vurğulayıb.
Sakinlər göstərilən diqqət və qayğıya görə minnətdarlıqlarını ifadə edərək, belə görüşlərin onların problemlərinin operativ şəkildə həllinə müsbət təsir göstərdiyini bildiriblər.
Sonda millət vəkili Jalə Əliyeva vətəndaş müraciətlərinin nəzarətdə saxlanılacağını və seçicilərlə görüşlərin mütəmadi olaraq davam etdiriləcəyini diqqətə çatdırıb.
