2023-cü il noyabrın 8-də Xankəndi şəhərində Vətən müharibəsində əldə edilən Zəfərin üçüncü ildönümünə həsr olunan hərbi parad keçirildi.
2023-cü il noyabrın 8-i Xankəndinin tarixində mühüm günlərdən biri kimi yadda qaldı. Həmin gün şəhərin mərkəzi meydanında Vətən müharibəsində əldə edilmiş Zəfərin üçüncü ildönümünə həsr olunan hərbi parad keçirildi. Bu, Xankəndidə keçirilən mühüm dövlət tədbirlərindən biri idi. Parad Azərbaycan Ordusunun Vətən müharibəsində əldə etdiyi Zəfərin üçüncü ildönümünə həsr olunmuşdu. Tədbirdə Azərbaycan Respublikasının Prezidenti, Silahlı Qüvvələrin Ali Baş Komandanı İlham Əliyev, birinci xanım Mehriban Əliyeva və onların oğlu Heydər Əliyev iştirak ediblər. Paradın əvvəlində Azərbaycanın Dövlət Himni səsləndirilib və Azərbaycanın suverenliyi və ərazi bütövlüyü uğrunda şəhid olanların xatirəsi bir dəqiqəlik sükutla yad edilib. Sonra Azərbaycan Prezidenti hərbçilər qarşısında çıxış edib. Dövlət başçısı çıxışında 44 günlük Vətən müharibəsində əldə edilən Zəfərdən, Azərbaycan Ordusunun döyüş qabiliyyətindən və 2023-cü ilin sentyabrında keçirilmiş lokal xarakterli antiterror tədbirlərindən danışıb. Xankəndidə keçirilən paradın diqqət çəkən xüsusiyyətlərindən biri müxtəlif hərbi birləşmələrin nümayəndələrinin iştirak etməsi idi. Azərbaycan Ordusunun müxtəlif qoşun növlərinin parad heyətləri şəhərin mərkəzi meydanından keçiblər. Parad heyətlərinin keçidinə Azərbaycan Ordusunun Baş Qərargah rəisi, general-polkovnik Kərim Vəliyev komandanlıq edib. Xüsusi Təyinatlı Qüvvələrin parad heyətinə isə Vətən Müharibəsi Qəhrəmanı general-leytenant Hikmət Mirzəyev rəhbərlik edib. Paradda Azərbaycan Ordusunun müxtəlif ordu korpuslarının hərbi qulluqçuları ilə yanaşı, Hərbi Dəniz Qüvvələrinin dəniz piyadaları, Hərbi Hava Qüvvələrinin, Dövlət Sərhəd Xidmətinin, Dövlət Təhlükəsizliyi Xidmətinin, Xarici Kəşfiyyat Xidmətinin, Daxili İşlər Nazirliyinin Daxili Qoşunlarının və Prezidentin Təhlükəsizlik Xidmətinin hərbi qulluqçuları da iştirak ediblər. Tədbirdə Vətən müharibəsində və 2023-cü ilin sentyabrında keçirilmiş antiterror tədbirlərində iştirak edən hərbi birləşmələrin döyüş bayraqları da nümayiş etdirilib. Bu bayraqlar hərbi hissələrin keçdiyi döyüş yolunu xatırladan mühüm rəmzlərdən biri olub. Parad zamanı 2023-cü ilin sentyabrında keçirilmiş antiterror tədbirləri zamanı müsadirə edilmiş hərbi texnikaların bir hissəsi də nümayiş etdirilib. Həmin texnikalar qoşqular üzərində Xankəndinin mərkəzi meydanına gətirilib. Xankəndidə keçirilən paradın başqa bir diqqətçəkən məqamı Şuşa şəhərinə sancılmış və Zəfər rəmzinə çevrilmiş bayrağın parad iştirakçıları tərəfindən daşınması olub. Hərbi qulluqçular Dövlət Bayrağı və Zəfər Bayrağı altında təntənəli keçid ediblər. Paradın sonunda “Qələbə” marşı səsləndirilib. Beləliklə, Xankəndinin mərkəzi meydanında keçirilən hərbi parad başa çatıb.
8 Noyabr 2023-cü ildə keçirilən parad Xankəndinin yeni tarixində mühüm tədbirlərdən biri oldu. Cəmi bir neçə həftə əvvəl Azərbaycan Respublikasının Dövlət Bayrağının ucaldıldığı şəhərdə bu dəfə Azərbaycan Ordusunun hərbi qulluqçuları təntənəli keçid etdilər. 20 Sentyabr – Xankəndi, Xocalı, Xocavənd və Ağdərə şəhərləri günü münasibətilə Xankəndidə keçirilən həmin paradı xatırlamaq xüsusi əhəmiyyət daşıyır. Çünki 2023-cü ilin sentyabrından sonra şəhərdə baş verən dəyişikliklər yalnız siyasi və hərbi hadisələrlə məhdudlaşmayıb. Sonrakı dövrdə Xankəndidə təhsil, mədəniyyət, idman, nəqliyyat və digər sahələr üzrə yeni layihələr həyata keçirilməyə başlanıb.
Bu gün Xankəndi yenidən Azərbaycanın ictimai həyatının mühüm məkanlarından birinə çevrilir. 8 noyabr 2023-cü ildə keçirilmiş hərbi parad isə şəhərin son illərdəki tarixində yadda qalan hadisələrdən biri kimi öz yerini tutur.
Zərdab rayon Gəlmə kənd sakini-gənc fəal -Ziya Tağızadə
