xeberaz.info
Entoni Blinken Qazaxıstana uçdu.
xeberaz.info-nun məlumatına görə ABŞ dövlət katibi Entoni Blinken Qazaxıstana uçub. Bu barədə bu gün, fevralın 27-də nur.kz saytı siyasətçinin Tvitterdəki paylaşımına istinadən məlumat yayıb.
Bu gün mən Qazaxıstan, Özbəkistan və Hindistana səfərə gedirəm. Bu, mənim dövlət katibi kimi Qazaxıstan və Özbəkistana ilk səfərim olacaq və mən Mərkəzi Asiya ilə tərəfdaşlığımızı daha da inkişaf etdirməyi səbirsizliklə gözləyirəm. Oradan G20 toplantısı üçün Hindistana gedəcəyəm. Blinken Tvitter səhifəsində belə yazıb.
Bundan əvvəl Qazaxıstan Xarici İşlər Nazirliyi Blinkenin Astana səfərini, Qazaxıstan prezidenti Qasım-Jomart Tokayevlə görüşü və Qazaxıstanın xarici işlər naziri Muxtar Tleuberdi ilə danışıqlar aparacağını açıqlamışdı. Həmçinin məlumat verilib ki, ABŞ dövlət katibi Astanada keçiriləcək C5+1 formatında Mərkəzi Asiya ölkələrinin və ABŞ-ın xarici işlər orqanları rəhbərlərinin nazirlər görüşündə iştirak edəcək.
Qazaxıstan Respublikasının Xarici İşlər Nazirliyi bildirib ki, ABŞ ilə regional əməkdaşlığın və tərəfdaşlığın gələcək inkişafı məsələləri gündəmdədir.