Gürcüstan prezidenti 22 yaşlı Lazare Qriqoriadisi əfv edib
Gürcüstan prezidenti Salome Zurabişvili ötən il “xarici agentlər” qanununa qarşı keçirilən etiraz aksiyalarının iştirakçısı, polis əməkdaşlarına hücum etməkdə ittiham olunaraq 9 il müddətinə azadlıqdan məhrum edilən 22 yaşlı Lazare Qriqoriadisi əfv edib. Bu barədə “Exo of Caucasus and European Truth” məlumat yayıb.
Bundan əvvəl aprelin 12-də Tbilisi şəhər məhkəməsi 22 yaşlı Lazare Qriqoriadisi 9 il müddətinə azadlıqdan məhrum edib.
Həmin gün Zurabişvili bildirib ki, Qriqoriadisin belə ağır cəzaya layiq olduğuna inanmadığı üçün onu əfv etmək qərarına gəlib.
Tbilisi Şəhər Məhkəməsi 22 yaşlı Lazare Qriqoriadisi 2023-cü ilin martında etiraz aksiyaları zamanı polisə molotov kokteyli atdığına və patrul avtomobilini yandırdığına görə 9 il müddətinə azadlıqdan məhrum edib.