05.06.2023/16:01/ 2023-cü ilin birinci rübündə Gürcüstanda turizm gəlirləri iki dəfədən çox artıb

2023-cü ilin birinci rübündə Gürcüstanda turizm gəlirləri iki dəfədən çox artıb.

xeberaz.info xəbər verir ki, Bu ilin birinci rübündə Gürcüstanın turizm sektorunda pul gəlirləri 795,4 milyon dollar təşkil edib ki, bu da 2022-ci illə müqayisədə 102% çoxdur. Bu barədə Gürcüstan hökumətinin 2022-ci il üzrə hesabatında deyilir.

“Bu ilin birinci rübündə turizm gəlirləri ötən ilin müvafiq dövrü ilə müqayisədə əhəmiyyətli dərəcədə, 102% artaraq 795,4 milyon dollar təşkil edib”, – mətndə belə deyilir.

Sənəddə bu ilin birinci rübünün məlumatlarının pandemiyadan əvvəlki göstəricilərdən 37,5% çox olduğu aydınlaşdırılır. 2022-ci ildə Gürcüstan turizmdən 3,5 milyard dollar qazanıb ki, bu da 2019-cu illə müqayisədə 7,6% çoxdur.