Bundesverdəki bütün Leopard tanklarının yalnız 30%-i döyüşdə istifadəyə yararlıdır.
xeberaz.info-nun məlumatına görə Almaniya Hərbi İttifaqının rəhbəri Andre Vüstner bildirib ki, Bundesverdəki bütün Leopard tanklarının yalnız 30%-i hazırda döyüşdə istifadəyə yararlıdır.
Bundesverdə – Almaniya Silahlı Qüvvələrində mövcud olan təxminən 300 Leopard tankının yalnız 30%-i hazırda döyüş hazırlığındadır. Andre Vüstner Bild am Sonntag qəzetinə müsahibəsində belə deyib.
Vustner qeyd edib ki, Almaniya ordusu Berlinin Ukraynaya təhvil vermək qərarına gələn 18 Leopard 2 tankı üçün əvəzedicilər sifariş etməli olacaq. Eyni zamanda o, Bundesverin indi döyüşə hazır olub-olmaması sualına mənfi cavab verib. O, həmçinin Almaniyanın 2025-ci ildən NATO qarşısında götürdüyü öhdəlikləri yerinə yetirə biləcəyinə şübhə ilə yanaşdığını bildirib.
Ukraynadakı münaqişə ilə bağlı Vüstner hesab edir ki, müharibənin bu il bitəcəyinə inanmaq sadəlövhlük olardı.