17.02.2023/02:51/ BMT Təhlükəsizlik Şurası Minsk razılaşmalarının uğursuzluğunu müzakirə edəcək

BMT Təhlükəsizlik Şurası Minsk razılaşmalarının uğursuzluğunu müzakirə edəcək.

xeberaz.info-nun məlumatına görə fevralın 17-də BMT Təhlükəsizlik Şurası Minsk razılaşmalarının bağlanmasının ildönümü ilə bağlı iclas keçirəcək və bu iclasda həmin razılaşmaların yerinə yetirilməməsinin səbəbləri müzakirə olunacaq. Bu barədə TASS-a dünya təşkilatındakı mənbələr məlumat verib.

Rusiya Minsk razılaşmalarının mövzuları üzrə görüş tələb edib.

Ukraynanın eks-prezidenti Pyotr Poroşenko bir müddət əvvəl bildirib ki, 2015-ci ildə imzalanmış Minsk razılaşmaları Ukrayna silahlı qüvvələrinin islahatlarına və Rusiyaya qarşı beynəlxalq koalisiya yaradılmasına imkan verib. Almaniyanın keçmiş kansleri Angela Merkel dekabr ayında Almaniyanın “Zeit” qəzetinə müsahibəsində Minsk razılaşmalarını “Ukraynaya güclənmək üçün vaxt vermək cəhdi” adlandırıb. Onun sözlərinə görə, münaqişənin dondurulduğu və problemin həll olunmadığı “hamıya aydın idi”, “amma bu, Ukraynaya əvəzolunmaz vaxt verdi”. Daha sonra 2015-ci ildə Minsk razılaşmalarının həyata keçirilməsi üzrə Tədbirlər Kompleksi üzrə danışıqlarda iştirak edən keçmiş Fransa prezidenti Fransua Olland da Merkelin sözlərini təsdiqləyib.

2015-ci il fevralın 12-də imzalanan Minsk razılaşmaları Donbassda nizamlanma üçün əsas olmalı idi. Razılaşmalar ATƏT, Rusiya, Almaniya və Fransanın vasitəçiliyi ilə əldə olunub.