29.04.2023/ 12: 09/ Qazaxıstan hakimiyyəti ABŞ-a ixracını 800 milyon dollar artıracaq

Qazaxıstan hakimiyyəti ABŞ-a ixracını 800 milyon dollar artırmağa hazır olduğunu bəyan edib.

xeberaz.info Rusiya KİV-lərinə istinadən xəbər verir ki, Qazaxıstanın baş naziri Əlixan Smailov ABŞ-ın Astanadakı səfiri Daniel Rozenblum ilə danışıqlar aparıb və o, Qazaxıstanın ABŞ-a ixracını 800 milyon dollar artırmağa hazır olduğunu bildirib. Bu barədə respublika hökumətinin mətbuat xidməti məlumat yayıb.

Smayılov qeyd edib ki, 2022-ci ildə ölkələr arasında ticarət dövriyyəsi təxminən 40 faiz artaraq 3,1 milyard dollar təşkil edib.

Eyni zamanda, Qazaxıstan ticarət həcminin daha da artırılması üçün əhəmiyyətli potensial görür və 90 əmtəə adından ibarət ixracı 800 milyon dollar artırmağa hazırdır, – hesabatda  belə deyilir.

Bundan əvvəl qeyd olunub ki, ABŞ Maliyyə Nazirliyinin nümayəndələri Avropa, Qazaxıstan və Qırğızıstan ölkələri ilə anti-Rusiya sanksiyalarına riayət olunmasını, o cümlədən onlardan yan keçmək yollarının boğulmasını müzakirə edəcəklər.