Gəncədə 4 nəfərin xəsarət alması ilə nəticələnən yol-nəqliyyat hadisəsi baş verib.
Xeberaz.info-nun məlumatına görə, qəza Göygöl-Toğanalı-Kəlbəcər avtomobil yolunun Hacıkənd qəsəbəsindən keçən hissəsində qeydə alınıb. Hərəkətdə olan avtomobil idarəetmədən çıxaraq divara çırpılıb. Qəza zamanı 4 nəfər xəsarət alaraq xəstəxanaya yerləşdirilib. Xəsarət alanlar 1958-ci il təvəllüdlü Ə.Həsənov, 1980-ci il təvəllüdlü V.Əliyev, 1970-ci il təvəllüdlü V.Hacıyev və 1980-ci il təvəllüdlü T.Məmmədovdur.
Məlumata görə, qəzaya düşənlər ustadırlar.
Hadisə yerinə DYP əməkdaşları cəlb edilib. Faktla bağlı araşdırma aparılır.
