xeberaz.info
İran şahlarının varisi İsrailə gedir.
xeberaz.info eadaily-ya istinadən xəbər verir ki, İsrailin kəşfiyyat və atom enerjisi naziri Gila Qamliel, hazırda ABŞ-da yaşayan, İsrail və İran xalqları arasında münasibətlərini gücləndirmək üçün İsrailə rəsmi səfərə hazırlaşan İranın son Şahı Pəhləvi sülaləsinin başçısı, İran vəliəhdi Şahzadə Rza Pəhləvi ilə görüşəcək, – İsrail hökumətinin mətbuat bəyanatında belə deyilir.
“İsrailin kəşfiyyat naziri Gila Qamliel İranın vəliəhd şahzadəsi Rza Pəhləvini, şahın oğlu və indiyə qədər İsrailə açıq səfərdə olan ən yüksək səviyyəli iranlı xadimi qəbul edəcək” – mesajda belə deyilir.
Mətbuat xidmətinin məlumatına görə, nazir Qamliel “İsrail və İran xalqı arasında körpü yaratmaq” məqsədilə İranın vəliəhd şahzadəsi Rza Pəhləvini İsraildə qəbul edəcək. Görüş zamanı İranda insan haqları ilə bağlı vəziyyəti müzakirə etmək planlaşdırılır.
“İranın vəliəhdi Rza Pəhləvini qəbul etmək mənim üçün böyük şərəfdir və onun ilk dəfə İsrailə səfər etmək cəsarətli qərarını yüksək qiymətləndirirəm”, – mətbuata açıqlamasında nazirin sözləri sitat gətirilir.
Səfər çərçivəsində Rza Pəhləvi Holokost qurbanlarının Beynəlxalq Anım Günü şərəfinə keçiriləcək rəsmi açılış mərasimində iştirak edəcək, İsrailin su təchizatı texnologiyaları ilə tanış olmaq üçün duzsuzlaşdırma zavoduna baş çəkəcək, Bəhai dini icmasının üzvləri və yəhudi-iran icması ilə görüşəcək.
Vəliəhd şahzadə atası Şah Məhəmməd Rza Pəhləvidən sonra taxt-taca oturmalı idi, lakin 1979-cu ildə İranda baş verən İslam İnqilabından sonra o, ailəsi ilə birlikdə ölkəni tərk etdi.