xeberaz.info
Almaniyanın xarici işlər naziri Çin və ABŞ-ı Tayvanla bağlı danışıqlara çağırıb.
xeberaz.info Rusiya KİV-lərinə istinadən xəbər verir ki, Almaniyanın xarici işlər naziri Annalena Berbok bazar günü ZDF televiziyasına müsahibəsində deyib ki, Tayvan ətrafındakı vəziyyət fonunda ABŞ dövlət katibi Entoni Blinken və Çinin xarici işlər naziri Qin Qanq arasında mümkün qədər tez görüş keçirmək lazımdır.
Məncə, bu görüşün yaxın gələcəkdə baş tutması vacibdir, – Berbok belə deyib.
O xatırladıb ki, Blinken G20-nin son nazirlər görüşündə çinli həmkarı ilə görüşəcəyini açıqlamışdı, lakin bundan sonra Atlantik okeanı üzərində amerikalılar tərəfindən vurulan Çin şarı ilə bağlı insident baş verib.
Berbok Yaponiyanın Karuizava şəhərində G7 xarici işlər nazirlərinin toplantısındadır, görüş aprelin 18-dək davam edəcək.
Daha əvvəl Britaniyanın “Financial Times” qəzeti mənbələrə istinadən yazıb ki, Çin FTB-nin ABŞ tərəfindən vurulan Çin kəşfiyyat şarına dair araşdırmanın nəticələrini açıqlayacağından ehtiyat etdiyi üçün Blinkenin Pekinə səfərinə icazə vermir.
ÇXR mərkəzi hökuməti ilə onun ada əyaləti arasında rəsmi əlaqələri 1949-cu ildə Çin Kommunist Partiyası ilə vətəndaş müharibəsində məğlub olan Çan Kay-şekin başçılıq etdiyi Kuomintang qüvvələri Tayvana köçdükdən sonra kəsilib. Ada ilə materik Çin arasında işgüzar və qeyri-rəsmi əlaqələr 1980-ci illərin sonlarında bərpa olunub. 1990-cı illərin əvvəllərindən etibarən tərəflər qeyri-hökumət təşkilatları – Tayvan Boğazı boyunca Əlaqələrin İnkişafı üzrə Pekin Assosiasiyası və Boğazlararası Mübadilələr üzrə Taypey Fondu vasitəsilə əlaqə saxlamağa başlamışlar.