Türkiyədə zəlzələ nəticəsində yüzlərlə insan həbs edilib.
xeberaz.info-nun məlumatına görə Türkiyədə baş verən iki dağıdıcı zəlzələdən sonra uçan binaları talamaq və ya tikinti qaydalarını pozmaq ittihamı ilə kütləvi həbslər olub. TRT Haber telekanalının fevralın 22-də verdiyi məlumata görə, son iki həftə ərzində ölkədə 340 nəfər saxlanılıb.
Türkiyənin 11 vilayətində istintaq orqanları tikinti qaydalarını pozmaqda ittiham olunan 564 nəfərə qarşı işlərə baxır. Artıq 160-a yaxın şəxs həbs edilib, digərləri axtarışdadır.
282 nəfər soyğunçuluqda şübhəli bilinir. Onlardan 181-i həbs edilib.
Fevralın 15-də Türkiyənin ətraf mühit, şəhərsalma və iqlim dəyişikliyi naziri Murat Kurum bildirib ki, Türkiyədə zəlzələ zonasında 50,500-dən çox bina müəyyən edilib və təcili olaraq sökülməlidir.
Xatırladaq ki, fevralın 6-na keçən gecə və gündüz Türkiyənin cənub-şərqində, episentri Kahramanmaraş əyalətində maqnitudası 7,5-dən çox olan iki zəlzələ baş verib. Son məlumatlara görə, 42,3 min nəfər ölüb. Fevralın 20-də ölkənin cənubunda, Hatay vilayətində 6,4 bal gücündə yeni zəlzələ qeydə alınıb. 6 nəfər ölüb, 300-ə yaxın adam xəsarət alıb.