xeberaz.info
Çexiya Rusiyanı Avropaya qarşı enerji müharibəsində ittiham edir.
xeberaz.info-nun məlumatına görə Çexiyanın dövlət enerji şirkəti ČES Rusiyanın “Qazprom” şirkətinə qarşı təqribən 41,4 milyon avro dəyərində arbitraj prosesinə başlayıb. Bu barədə bu gün, fevralın 9-da ČEZ-in mətbuat katibi Ladislav Krjij məlumat verib.
Ladislav Krjijə görə, Rusiya şirkətinə qarşı iddia müqaviləni pozmaq və təbii qazın tədarükünü azaltmaqdır. Eyni zamanda, ČEZ-in baş direktoru Daniel Beneş bildirib ki, əslində Rusiyanın Avropaya qarşı enerji müharibəsi hələ 2021-ci ildə, Qazprom qaz anbarlarının doldurulma səviyyəsini tədricən azaltmağa başlayanda başlayıb. O, həmçinin Qazpromun razılaşmanı pozması və tədarükün azaldılması ilə bağlı beynəlxalq arbitraj prosedurlarının başlanmasını bu günə qədər atılan yeganə mümkün addım adlandırıb.
Xatırladaq ki, Çexiya Rusiyanı Ukraynadakı hərəkətlərinə görə qınayır və Moskvaya qarşı sanksiyaların gücləndirilməsinin tərəfdarıdır. Bundan əlavə, Praqa Rusiya qazından asılılıqdan tamamilə xilas olmaq arzusunu bəyan edir. Yanvarın sonunda Çexiyanın Baş naziri Petr Fiala 2022-ci ildə respublikanın Rusiya Federasiyasından qaz tədarükündən asılılığını 97%-dən 4%-ə qədər azaltdığını bəyan edib.