xeberaz.info
Böyük Britaniya qırıcılarının Ukraynaya göndərilməsi münaqişənin gedişinə təsir etməyəcək.
xeberaz.info-nun məlumatına görə Böyük Britaniya qırıcılarının Ukraynaya göndərilməsi qısa müddətdə münaqişənin gedişini dəyişə bilməyəcək. Bunu Böyük Britaniya silahlı qüvvələrinin keçmiş komandanı Riçard Barrons deyib.
Barron bildirib ki, Qərb ölkələri hərbi təyyarələri Kiyevə operativ şəkildə çatdırmaqda maraqlı deyil. Rusiyanın hücumunun bərpası fonunda hətta bu gün təyyarələri göndərsək belə, Ukraynadakı döyüşlərin gedişi dərhal dəyişməyəcək və bəlkə də bu ilin sonuna qədər dəyişməz qalacaq.
Bundan əvvəl baş nazir Rişi Sunak dəniz piyadaları və hava qüvvələrinin Böyük Britaniyada təlim keçə biləcəklərini bildirmişdi. Eyni zamanda qeyd olunub ki, yaxın vaxtlarda döyüş təyyarələrinin Kiyevə göndərilməsi nəzərdə tutulmur. Sunakın sözçüsü isə bildirib ki, bu məsələ müxtəlif aspektlərdən araşdırılacaq.