05.12.2023/08:29/ İsraillə HƏMAS arasında gedən müharibə fonunda qızıla maraq artıb

İsraillə HƏMAS arasında gedən müharibə fonunda qızıla maraq artıb.

xeberaz.info xəbər verir ki, Dekabrın 4-də keçirilən hərracda qızılın qiyməti bir unsiya üçün 2135 dollar olmaqla tarixi rekorda imza atıb. Bu barədə Bloomberg yazır.

Qiymətli metal Bazar ertəsi günü erkən ticarətdə 3%-dən çox bahalaşaraq, 7 avqust 2020-ci ildəki bütün zamanların ən yüksək göstəricisini ötüb, – agentlik bildirib.

Beləliklə, qızılın qiyməti dekabrın 4-də ticarətin açılışında 2020-ci ildə pandemiya zamanı əvvəlki tarixi maksimumu keçərək 2135 dollara çatıb. Agentlik yazır ki, barlar oktyabrın əvvəlində aşağı qiymətindən təxminən 15% bahalaşıb.

Analitiklərin fikrincə, İsraillə HƏMAS arasında gedən müharibə fonunda qızıla maraq artıb. Digər amil inflyasiyanın yavaşlaması və Federal Ehtiyat Sisteminin faizləri endirə biləcəyi ilə bağlı gözləntilərdir.

Bununla yanaşı, analitiklər metal qiymətlərinin daha da artmasının əhəmiyyətli olmayacağını düşünür və ilin sonuna kimi qiymətlərin unsiya üçün 1900 dollara düşəcəyini istisna etmirlər.