xeberaz.info
Aİ-dən Kiyevə təhlükəsizlik zəmanəti
xeberaz.info xəbər verir ki, Avropa İttifaqı tərəfindən Ukrayna üçün təhlükəsizlik öhdəlikləri haqqında bəyannamə layihəsində assosiasiyanın bütün üzvlərinin razılığı əsasında Aİ hərbi missiyalarının Ukraynaya göndərilməsi imkanları nəzərdə tutulub. Bu barədə cümə axşamı Britaniyanın Financial Times qəzeti mənbələrə və sənəd layihəsinə istinadən məlumat yayıb.
“Onlar həmçinin Ukrayna qoşunlarının hazırlanması üzrə Aİ təşəbbüsünü və bunun üçün şərtlər uyğun hesab edilərsə və bütün üzvlər belə bir addımla razılaşarsa, Aİ-nin Ukraynada hərbi missiyalarının mümkünlüyünü genişləndirməyə söz verəcəklər”, – mənbə belə bildirib.
Daha əvvəl “Financial Times” yazıb ki, Fransanın başçılıq etdiyi bir qrup Aİ üzvü ölkə icması tərəfindən Ukrayna üçün “təhlükəsizlik öhdəliyi” bəyannaməsi layihəsi üzərində işləyir. Onlar istəyirlər ki, bəyannamə Aİ-nin növbəti sammitinin sonunda təsdiq olunsun. Belə başa düşülür ki, bəyannamə Avropa İttifaqına Ukrayna üçün təhlükəsizlik sisteminin yaradılmasında, o cümlədən NATO ilə əməkdaşlıqda iştirak etməyə imkan verəcək.
Nəşrin məlumatına görə, sənəd Avropa ölkələrinin Kiyev qarşısında təhlükəsizlik öhdəlikləri ilə bağlı konkret izahat istəyən neytral Avstriya, İrlandiya və Maltanın etirazına səbəb olub.