21.04.2023/ 09:09 / Rusiya Ukraynanın NATO-ya üzv olmasına icazə verməyəcək

Rusiya Ukraynanın NATO-ya üzv olmasına icazə verməyəcək.

xeberaz.info lenta.ru-ya istinadən xəbər verir ki, Dövlət Dumasının deputatı İvlev bildirib ki, Rusiya Ukraynanın NATO-ya üzv olmasına icazə verməyəcək

Dövlət Dumasının Krım bölgəsindən olan deputatı, general-mayor Leonid İvlev Rusiyanın Ukraynanın NATO-ya üzv olmasına icazə verməyəcəyi ilə bağlı xəbərdarlıq edib.

İvlev qeyd edib ki, Ukraynanın alyansa daxil olması Rusiya üçün daimi hərbi təhlükə mənbəyinin yaranması demək olacaq.

Deputat onu da diqqətə çatdırıb ki, NATO-nun baş katibi Yens Stoltenberqin Ukraynanın tezliklə NATO-ya daxil olacağı ilə bağlı verdiyi son vəd hərbi blokun Kiyevin tərəfində münaqişədə iştirakını bir daha təsdiqləyib.

İvlevin sözlərinə görə, NATO Ukraynanı silahla təmin edir, Stoltenberq isə müharibənin genişlənməsinə təkan verir.

Aprelin 20-də Stoltenberq Kiyevə səfər edib. Səfər zamanı o, Ukraynanın tam hüquqlu yerinin Avro-Atlantik ailəsində və NATO-da olduğunu bəyan edib. O vurğulayıb ki, zaman keçdikcə və hərbi blokun dəstəyi sayəsində bu məqsədə nail olunacaq.