xeberaz.info
NATO-nun Ukraynaya Krımı ələ keçirməsinə kömək etmək cəhdi Rusiya üçün qırmızı xətt olacaq.
xeberaz.info Rusiya KİV-lərinə istinadən xəbər verir ki, Şimali Atlantika Alyansı ölkələri Ukraynanın Krımı ələ keçirmək istəyində ona açıq hərbi dəstək verməyə cəhd etsələr, bu, münaqişənin təhlükəli gərginləşməsinə gətirib çıxaracaq və Rusiya üçün qırmızı xəttə çevriləcək. Bu fikri köşə yazarı Uve Parpart Asia Times üçün yazdığı məqalədə qeyd edib.
Məqalə müəllifinin fikrincə, Ukrayna ordusunun cənubdakı “reklamlı” hücumuna şans vermək üçün Ukrayna və onun müttəfiqləri Krım körpüsünü vurmalı olacaqlar.
Əgər NATO-nun uzaqmənzilli artilleriyası bu işə cəlb olunsaydı, o zaman Rusiyanın qırmızı xətti keçilə bilərdi”, – Parpart belə deyib.
Ukrayna prezidenti Vladimir Zelenski hakimiyyətə gəldikdən sonra Krımın statusunu yenidən müzakirə etmək üçün səylərini artırıb və Qərb ölkələrini prosesə cəlb etməyə ümid edir.
Zelenski administrasiyasının himayəsi altında özünü yarımada üzərində nəzarəti bərpa etmək üçün mexanizm kimi təqdim edən “Krım Platforması” yaradıldı.
Öz növbəsində, Dövlət Dumasının Beynəlxalq Əlaqələr Komitəsi sədrinin birinci müavini Aleksey Çepa RT-yə müsahibəsində xatırladıb ki, Kiyev əvvəllər dəfələrlə Krımın zorla ələ keçirildiyini bəyan edib.
Rusiya Federasiyası Dövlət Dumasında Krımı təmsil edən deputat Mixail Şeremet Krımın statusu ilə bağlı danışıqların istisna edildiyini və Ukraynanın ona müdaxilə cəhdlərinin sarsıdıcı cavab zərbəsi ilə nəticələnəcəyini bildirib.