Brent markalı neftin qiyməti 83 dollardan aşağı düşüb.
xeberaz.info Rusiya KİV-lərinə istinadən xəbər verir ki, Londonun ICE birjasında Brent markalı neftin iyun fyuçersləri martın 31-dən bəri ilk dəfə bir barel üçün 83 dollardan aşağı düşüb.
TASS-ın məlumatına görə, Brent markalı neftin bir barelinin qiyməti 2,19% azalaraq 82,91 dollar olub.
WTI markalı xam neftin iyun fyuçersləri 2,03% ucuzlaşaraq 79,26 dollar/barel təşkil edib.
Bundan əvvəl Milli Enerji Təhlükəsizliyi Fondunun analitiki İqor Yuşkov neftin yüksək qiymətinin Qərb ölkələrində inflyasiyaya təkan verəcəyi ilə bağlı fikirlərini bildirmişdi.