xeberaz.info
“Kazmortransflot” Azərbaycan ərazisindən neft nəqlini artırmaq üçün iki tanker alacaq.
xeberaz.info Rusiya KİV-lərinə istinadən xəbər verir ki, Bu il Qazaxıstanın “Kazmortransflot” şirkəti Xəzər dənizində istismar üçün 8 min ton dedveytli iki neft tankeri almağa hazırlaşır. “Kommersant” yazır ki, Rusiyadan yan keçməklə neft tədarükünü artırmaq üçün gəmilərə ehtiyac var.
Hazırda şirkət hər birinin dedveyti 12,4 min ton olan Aktau, Astana və Almatı tankerlərinə malikdir. Gəmilərin kiçik ölçüləri daşınma aparılmalı olan dayaz dərinliklərlə izah olunur.
Qazaxıstan Xəzər Boru Kəməri Konsorsiumunun (CPC) boru kəməri ilə xammalın nəqli ilə bağlı problemlər fonunda dünya bazarına neft tədarükü üçün alternativ yollar axtarmağa başlayıb.
Əsas əvəz kimi Bakı-Tbilisi-Ceyhan neft boru kəməri variantı seçilib və neft Xəzər dənizi ilə nəql edilməlidir. Azərbaycanın SOCAR ilə 2023-cü il üçün bağlanmış müqavilə çərçivəsində “Kazmunaigas” onun vasitəsilə “Tengiz” yatağından 1,5 milyon ton neft tədarük etmək niyyətindədir. Martda daşınma 20 min ton idisə, apreldə bu, 125 min ton artacaq.