“Zayed İnsan Qardaşlığı Mükafatı” kimi nüfuzlu mükafatı almaq mənim üçün böyük şərəfdir.
Prezident İlham Əliyevin 20 yanvar 2026-cı ildə verdiyi müsahibə zamanı “Zayed İnsan Qardaşlığı Mükafatı” kimi nüfuzlu bir mükafatı almağın böyük şərəf olduğunu ifadə etməsi, Azərbaycanın beynəlxalq arenadakı rolunu və Prezidentin bu roldakı liderliyini bir daha vurğulayan önəmli bir çıxışdır. Bu mükafat, dünya miqyasında insanlıq, qardaşlıq, sülh və əməkdaşlıq prinsiplərini təbliğ edən liderlərə verilir və Prezident İlham Əliyev bu mükafatı alaraq, təkcə özünün, həm də Azərbaycanın bu istiqamətdəki fəaliyyətlərini beynəlxalq səviyyədə tanıtmış olur. Bu mükafatın Prezidentə təqdim edilməsi, həm də Azərbaycanın humanitar diplomatiyasının bir növ uğuru kimi qiymətləndirilə bilər. Prezident Əliyev öz çıxışında, Azərbaycanın bütün dünyada münaqişəsiz, sülh və qarşılıqlı anlayışa dayalı bir dövlət olaraq tanınmasının vacibliyini vurğulamışdır. Əlbəttə, bu, yalnız Azərbaycanda deyil, ümumilikdə Qafqazda və daha geniş bir coğrafiyada sülhün təbliğinə xidmət edir. İlham Əliyevin bu mükafatı qazanması, həmçinin Azərbaycanın bir çox dinlər və mədəniyyətlər arasında sülh və harmoniya yaratmağa yönəlik konkret addımlar atdığını göstərir.
Zayed İnsan Qardaşlığı Mükafatı, adı üstündə, birləşdirici və insani dəyərlərin təbliğinə, müxtəlif millətlər və dinlər arasında təbəqələşmə və qarşıdurma yaratmaq əvəzinə, birlik və qarşılıqlı hörmətə diqqət yetirən şəxsləri təqdir edir. Bu mükafatı Prezident İlham Əliyev kimi bir liderin alması, onun zaman-zaman göstərdiyi daxili və xarici siyasətin doğru yolda olduğunu göstərir. Həmçinin, bu mükafat, Azərbaycanın beynəlxalq müstəvidə nüfuzunun artmasına, regionda və dünyada daha çox hörmət qazanmasına səbəb olacaq. Prezident İlham Əliyevin “Zayed İnsan Qardaşlığı Mükafatı” ilə təltif edilməsi, Azərbaycanın bütün dünya ilə dostluq münasibətlərini möhkəmləndirmək və müasir dövrdə insanlıq üçün ən vacib olan prinsipləri yaymaqda nə qədər əzmkar olduğunu bir daha nümayiş etdirir. Bu mükafat, yalnız şəxsi şərəf deyil, həm də Azərbaycanın insan hüquqları, sülh, və multikulturalizmin təbliğindəki uğurlarının beynəlxalq aləmdə yüksək qiymətləndirilməsidir.
1 nömrəli məktəb-liseyin tədris işləri üzrə direktor müavini : Şəhla Eminova
