Yevlaxda ölümlə nəticələnən yol-nəqliyyat hadisəsi baş verib.
”Xeberaz.info”-nun məlumatına görə, hadisə Xaldan şossesində qeydə alınıb. Belə ki, “Mersedes” markalı avtomobil qoşqulu mini traktora çırpılıb. Nəticədə traktorda olan 1955-ci il təvəllüdlü Hacıselli kənd sakini Kazımov Hacıbala Ədil oğlu və 1959-cu il təvəllüdlü həyat yoldaşı Kazımova Fəxriyyə Aslan qızı ağır bədən xəsarətləri alaraq xəstəxanaya yerləşdiriliblər. Ölümcül vəziyyətdə olan qadının həyatını xilas etmək mümkün olmayıb. H. Kazımovun isə vəziyyəti ağır qiymətləndirilir.
