Demokratlar Amerikaya və onu yaradanlara nifrət edir və terrorçulara rəğbət bəsləyirlər.
Xeberaz.info xəbər verir ki, bunu ABŞ-ın vitse-prezidenti J.D. Vens Dallasda Respublikaçıların qurultayındakı çıxışında deyib.
“Demokratlar nifrət partiyasıdır. Onlar Amerikaya və onu quran insanlara nifrət edən partiyadır. Onlar 11 sentyabr hücumlarını törədən terrorçulara rəğbət göstərə bilən partiyadır. Onlar 32-ci Ruzveltin və ya Kennedinin partiyası deyillər. Cəhənnəm olsun ki, onlar artıq Bill Klintonun partiyası da deyillər”, – o bildirib.
Vens seçiciləri Demokratların qalib gəlməsinə imkan verməməyə çağırıb: “Xanımlar və cənablar, Demokratlar kabusa çevrildiyi üçün heç bir halda onların qalib gəlməsinə imkan verə bilmərik. Noyabr ayında biz onları sarsıdıcı məğlubiyyətə uğradacağıq. Noyabr ayı sadəcə qırmızı komanda ilə mavi komanda arasında mübarizə deyil. Söhbət Demokrat Partiyasına siqnal göndərməkdən gedir: əgər dəliliklərinizi irəli sürsəniz, sizi qovacağıq. Bu ölkəni bir dəstə dəliyə təslim etməyin, çünki bizim (Respublikaçılar – red.) bəzi siyasi qərarlarımızla razılaşmaya bilərsiniz. Mən sizdən hər şeydə mənimlə razılaşmağınızı, administrasiyanın atdığı hər addımla razılaşmağınızı istəmirəm. Amma sizdən Respublikaçılar ilə radikallar arasındakı fərqi,ABŞ administrasiyasının son 18 ayda əldə etdiyi nailiyyətləri tanımağınızı xahiş edirəm. Biz çox şey etmişik və birlikdə mübarizə aparsaq, daha da çox şey edə bilərik”.
