Ötən gecə Ukrayna Rusiya ərazisinə hava hücumlarını davam etdirib.
Xeberaz.info xəbər verir ki, hücum bir neçə istiqamətdə həyata keçirilib. Birinci istiqamət Moskva regionu olub – Rusiya paytaxtının bütün hava limanlarının fəaliyyəti dayandırılıb. Bilavasitə Moskva səmasında 60-dan çox dronun zərərsizləşdirildiyinə dair məlumat yayılıb.
Volqoqrad vilayətində hücum hədəfi yerli neft emalı zavodu olub. Zavod ərazisində bir neçə qurğuda yanğınlar başlayıb.
Rostov-na Donu və Rostov vilayəti hücumların üçüncü istiqaməti olub. Vilayət qubernatoru Yuri Slyusarın sözlərinə görə, Rostov vilayətinin Aksay rayonunda 1500 kvadratmetrlik anbar sahəsində yanğın başlayıb: “Hazırda müdaxilə işləri aparılır. Zərərçəkənlərin sayı barədə məlumat dəqiqləşdirilir”.
Onun sözlərinə görə, hücum nəticəsində Rostov-na-Donu şəhərinin Sovetski rayonunda istehsal sahəsində də yanğın baş verib.
