”Xeberaz.info” xəbər verir ki, Bakıda qalmaqala səbəb olan hadisə ilə bağlı saxlanılan ərəb turistlər məhkəməyə gətirilib. Onlar şəhidlərin məzarları üzərində təhqiramiz video çəkərək sosial şəbəkələrdə yaydıqları üçün məsuliyyətə cəlb olunublar.
Yayılan kadrlarda polis əməkdaşlarının saxlanılan şəxsləri müşayiət edərək məhkəmə binasına apardıqları görünür.
Qeyd edək ki, sözügedən video cəmiyyətdə ciddi narazılıq doğurmuş, şəhid ailələri və ictimaiyyət bunu hörmətsizlik və təxribat kimi qiymətləndirmişdi.
Hazırda saxlanılanların barəsində məhkəmə qərarı gözlənilir.
