Mingəçevir -Xaldan yolunda ölümlə nəticələnən yol-nəqliyyat hadisəsi baş verib.
“Xeberaz.info“-nun bölgə müxbirinin verdiyi məlumata görə, bu gün saat 14:40 radələrində Mingəçevir-Xaldan yolunda “VAZ 06” markalı minik avtomobili ilə “Honda ” markalı nəqliyyat vasitələri toqquşub. Hadisə nəticəsində Honda markalı avtomobil aşaraq yol kənarındakı su arxına düşüb. Maşında olan (adı məlum olmayan) bir qadın aldığı bədən xəsarətindən hadisə yerində ölüb. Sürücü isə müxtəlif bədən xəsarətləri alıb.(Adları məlum olmayan vətəndaşlar) iki nəfər də müxtəlif dərəcəli bədən xəsarətləri ilə xəstəxanaya yerləşdiriliblər.
Faktla bağlı Mingəçevir RPŞ-nin istintaq bölməsində cinayət işi başlanılıb, araşdırmalar davam etdirilir.
Tural Nuri
