Noyabr ayında keçiriləcək Konqres seçkilərindən dərhal sonra ABŞ İrana qarşı müharibəni başa çatdıracaq.
Xeberaz.info xəbər verir ki, bunu ABŞ prezidenti Donald Tramp Fox News-a verdiyi müsahibədə deyib: “Müharibə ara seçkilərdən dərhal sonra başa çatacaq”.
O, respublikaçıların məğlub olacağı təqdirdə münaqişəyə daha sərt yanaşmanı istisna etməyib: “Düşünürəm ki, bir çox insan düşünür ki, əgər biz (Respublikaçılar – red.) uduzsaq, mən daha da qəzəblənəcəyəm və sadəcə hər şeyə son qoyacağam. Bu da bir seçimdir. Hər iki halda, onlar (iranlılar – red.) uduzacaqlar”.
Daha əvvəl Tramp İranla müharibənin noyabr ayında keçiriləcək Konqres seçkilərindən dərhal sonra, hətta seçkilərdən əvvəl də bitəcəyinə əminliyini ifadə etmişdi.
