İran yeni hərbi münaqişə alovlanacağı təqdirdə region ölkələrinə onların ərazisində quru əməliyyatlarına başlamaq ehtimalı ilə bağlı xəbərdarlıq göndərib.
Xeberaz.info xəbər verir ki, bu barədə “The Wall Street Journal” nəşri mənbələrə istinadən məlumat yayıb.
Tehran həmçinin ərəb rəsmilərinə Səudiyyə Ərəbistanının neft infrastrukturunun hücuma məruz qala biləcəyinə dair siqnal verib.
Bu isə husilərin Səudiyyə Ərəbistanının sənaye obyektlərinə endirdiyi hücumların miqyasını əhəmiyyətli dərəcədə genişləndirmək gücündədir.
Eskalasiya baş verəcəyi təqdirdə İran qüvvələri Qərbi Asiyada ABŞ-nin hərbi varlığına qarşı fəaliyyətini aktivləşdirməyi planlaşdırır.
Xüsusilə, söhbət ABŞ hərbi gəmilərinin batırılması və göyərtədə olan dənizçilərin məhv edilməsi cəhdlərindən gedir.
