HƏMAS-ın Qəzza zolağındakı lideri Xəlil əl-Xəya bildirib ki, təşkilat öz silahlarını yalnız gələcək Fələstin dövlətinə təhvil verməyə hazırdır.
”Xeberaz.info” xəbər verir ki, bunun İsrailin işğalının sona çatmasından sonra mümkün olacağı vurğulanıb.
Əl-Xəya qeyd edib ki, “dövlət” dedikdə “suveren Fələstin dövləti” nəzərdə tutulur. O, həmçinin, silahların təhvil verilməsi məsələsinin Fələstinin müxtəlif qrupları və beynəlxalq vasitəçilərlə müzakirə olunduğunu bildirib.
HƏMAS liderinin sözlərinə görə, bu danışıqlarda vacib elementlərdən biri BMT-nin sülhməramlı qüvvələrinin iştirakıdır. Bu qüvvələr atəşkəsə nəzarət edəcək və tərəfləri Qəzza zolağının sərhədində ayıracaq.
Qeyd edək ki, HƏMAS bu şərtlərlə Qəzzada sülhün bərqərar edilməsi və silahsızlanma prosesinin baş tutacağını düşünür. Bu açıqlama bölgədəki danışıqların gərginliyini artıran bir amil ola bilər.
