ABŞ hərbçiləri noyabr ayında Çin istiqamətindən İrana göndərilən şübhəli yükü daşıyan gəmiyə reyd keçirərək onu ələ keçiriblər.
Xeberaz.info xəbər verir ki, amerikalı rəsmilərin sözlərinə görə, bu əməliyyat dəniz qaçaqmalçılığına qarşı nadir və məqsədli addım olub və əsas hədəf Tehranın hərbi arsenalını gücləndirməsinin qarşısını almaq idi.
Məlumata əsasən, gəmi Şri-Lanka sahillərindən bir neçə yüz mil aralıda saxlanılıb. Reyddən sonra yük müsadirə edilib, gəmi isə nəzarət altına alınıb. Əməliyyat ABŞ tərəfindən İranın silah təchizatı zəncirinə zərbə kimi qiymətləndirilir.
Rəsmi Vaşinqton hadisə ilə bağlı detalları məhdud şəkildə açıqlasa da, analitiklər bildirir ki, bu reyd ABŞ-ın Çin–İran xətti üzrə hərbi-logistik axınları yaxından izlədiyini və regionda təzyiq siyasətini sərtləşdirdiyini göstərən ciddi siqnaldır.
